Ñimbo ya Mitōto 24:1-10
-
Mulopwe wa ntumbo watwela pa bibelo
-
“Ntanda i ya Yehova” (1)
-
Lwimbo lwa Davida.
24 Ntanda i ya Yehova ne bintu byonso bidi’mo,+Nshi ya bumeni ne boba bekele’po.
2 Mwanda i mushimike’yo pototo pa majiba+Kadi i mukomeje’yo pototo pa minonga.
3 I ani le ubwanya kukanda ku lūlu lwa Yehova,+Ne i ani ubwanya kwimana mu kifuko kyandi kijila?
4 Yewa ense wa makasa ampikwa mambo ne wa mutyima utōka tō,+Katyipangapo mutyipo wa bubela’mba ne būmi Bwami,*Nansha kutyipa mutyipo bya bongojani.+
5 Ukatambula madyese kudi Yehova+Ne boloke* kudi Leza wandi wa lupandilo.+
6 Luno’lu i lukongo lwa boba bamukimba,Lwa boba bakimba mpala yobe, abe Leza wa Yakoba. (Sela)
7 Tululai mitwe yenu, a milango;+Shitukai,* a bibelo bya kala,Amba Mulopwe wa ntumbo atwele!+
8 Le uno Mulopwe wa ntumbo i ani le?
Yehova, nkanka kadi mukomo,+Yehova, mukomo mu bulwi.+
9 Tululai mitwe yenu, a milango;+Shitukai, a bibelo bya kala,Amba Mulopwe wa ntumbo atwele!
10 Lelo i ani, uno Mulopwe wa ntumbo?
Yehova wa bibumbo—i aye Mulopwe wa ntumbo.+ (Sela)
Kunshi kwa Dyani
^ Nansha’mba “muya Wami,” ufunkila pa būmi bwa Yehova pene patyipila muntu.
^ Nansha’mba “bululame.”
^ Nansha’mba “Imanai.”
