Ñimbo ya Mitōto 25:1-22
Lwimbo lwa Davida.
א [Aleph]
25 Ami navundamukila* kodi, abe Yehova.
ב [Beth]
2 A Leza wami, nkukulupile;+Kokandeka mfwijibwe bumvu.+
Kokaleka balwana nami basangele tusua twami.+
ג [Gimel]
3 Bine, i kutupu muntu ukulupile modi ukafwijibwa bumvu,+Ino bumvu butengele boba balonga bya bundalandala pampikwa mwanda.+
ד [Daleth]
4 Ndyukije mashinda obe, a Yehova;+Mfundije tushinda tobe.+
ה [He]
5 Nangije mu bubine bobe umfundije,+Mwanda abe wi Leza wami wa lupandilo.
ו [Waw]
Mudi abe ye monkulupile difuku dyonso dituntulu.
ז [Zayin]
6 A Yehova, vuluka lusa lobe ne buswe bobe bwa ndamatyidile,+
Byolombolanga nyeke.*+
ח [Heth]
7 Kokavuluka bubi bwa pa bwanuke bwami ne kujilula kwami.
Mvuluke mwendele buswe bobe bwa ndamatyidile,+Pa mwanda wa buyampe bobe, a Yehova.+
ט [Teth]
8 Yehova i muyampe kadi moloke swā.+
O mwanda ufundijanga babipya-mambo dishinda dya kwenda’mo.+
י [Yod]
9 Ukaludikila betyepeje mu kyokya kyoloke,*+Kadi ukafundija betyepeje dishinda dyandi.+
כ [Kaph]
10 Tushinda tonso twa Yehova i buswe bwa ndamatyidile ne bubinebineKu boba balama kipwano kyandi+ ne bivulujo byandi.+
ל [Lamed]
11 A Yehova, pa mwanda wa dijina dyobe,+Ndekele kilubo kyami, nansha byokidi kikatampe.
מ [Mem]
12 Le muntu wakaminwe Yehova i ani le?+
Ukamufundija dishinda dyafwaninwe kutonga.+
נ [Nun]
13 Aye* ukemwena kyokya kiyampe,+Kadi lutundu* lwandi lukayatanga ntanda ke yalo.+
ס [Samekh]
14 Bulunda bwa binebine na Yehova i bwa boba bamwakaminwe,+Kadi wibayukijanga kipwano kyandi.+
ע [Ayin]
15 Meso ami adi nyeke kudi Yehova,+Mwanda aye ukanyongolola maulu ami ku bukonde.+
פ [Pe]
16 Tadija mpala yobe kondi untōkelwe mutyima,Mwanda ngidi bunka kadi mufudile.
צ [Tsade]
17 Tusua twa mutyima wami tubavula;+Nyongolole ku malwa ami.
ר [Resh]
18 Tala malwa ami ne makambakano ami,+Kadi ndekele bubi bwami bonso.+
19 Tala mwavudila balwana namiNe mwabipila mushikwa wabo padi ami.
ש [Shin]
20 Lama būmi bwami* kadi mpandije.+
Kokandeka mfwijibwe bumvu, mwanda nanyemena modi.
ת [Taw]
21 Nanshi bululame ne boloke bindame,+Mwanda nkulupile modi.+
22 A Leza, kūla* Isalela mu tusua twandi tonso.
Kunshi kwa Dyani
^ Nansha’mba “natulwila muya wami.”
^ Nansha’mba “Bya tamba bitatyi bya kala.”
^ Kishima pa kishima i, “mu butyibi.”
^ Nansha’mba “Muya wandi.”
^ Kishima pa kishima i, “lukunwa.”
^ Nansha’mba “muya wami.”
^ Kishima pa kishima i, “nyongolola.”
