Ñimbo ya Mitōto 32:1-11
Lwimbo lwa Davida. Mashikile.*
32 Wa nsangaji i yewa obalekela kujilula kwandi, obapūtyila* bubi bwandi.+
2 Wa nsangaji i yewa muntu okebalambikapo mambo kudi Yehova,+Wa mushipiditu wampikwa bongojani.
3 Ponaubile talala, mikupa yami yashinikile pa mwanda wa kubinza kwami difuku dyonso dituntulu.+
4 Mwanda dyuba ne bufuku kuboko* kobe kwaundēmene.+
Bukomo bwami bwaumine* pamo’nka bwa mema mu kyanga kya bushipo. (Sela)
5 Ku mfulo nesapula bubi bwami kodi;Nkyapūtyilepo kilubo kyami.+
Nanenene amba: “Nkesapulanga kujilula kwami kudi Yehova.”+
Nobe waundekela kilubo kya bubi bwami.+ (Sela)
6 O mwanda mwine yewa ense wa lulamato ukalombelanga kodi+Kitatyi kyobwanya kutanwa.+
Nabya enka ne mema a dilobe mene keakamufikilapo.
7 Abe wi kifuko kyami kya kufyama’mo;Ukandamanga ku tusua.+
Ukanjokoloja na nsadi ya tusepo twa bunyongolodi.+ (Sela)
8 “Nkakupanga bujinguludi ne kukufundija dishinda dyofwaninwe kunanga’mo.+
Nkakupanga madingi ne diso dyami podi.+
9 Kemukikalai pamo bwa kabalwe nansha kimbulu kyampikwa ñeni,+Bya bukutakane bunekenibwanga na lukano nansha na monjiKumeso kwa kwiya’byo kubwipi nobe.”
10 Masusu a mubi i mangi;Ino yewa ukulupile mudi Yehova i mujokolokwe na buswe Bwandi bwa ndamatyidile.+
11 Sangalai mudi Yehova kadi sepelelai, banwe boloke;Elai nsadi ya tusepo, banwe bonso ba mutyima moloke swā.
Kunshi kwa Dyani
^ Tala Nshintulwilo ya Bishima.
^ Nansha’mba “obafwila lusa pa.”
^ Nansha’mba “kubulwa kunsangela.”
^ Nansha’mba “Mema a būmi bwami aalamukile.”
