Ñimbo ya Mitōto 5:1-12
Kudi mukulu wa bañomba wa Nehilote.* Lwimbo lwa Davida.
5 Ivwana binenwa byami, a Yehova;+Tá mutyima ku kubinza kwami.
2 Tá mutyima ku kwabija kongabija bukwashi,A Mulopwe wami ne Leza wami, mwanda nombelanga kodi.
3 A Yehova, ukevwananga diwi dyami lubanga;+Lubanga nkakulombolanga+ milangwe yami kupwa kentengele na nsangaji.
4 Mwanda abe ke wi Lezapo uloelelwanga bubi;+I kutupu mubi ukekala nobe.+
5 I kutupu muntu wa kibengo ubwanya kwimana ku meso obe.
Abe ushikilwe boba bonso beendeja bibi;+
6 Ukonakanya boba besamba bya bubela.+
Yehova ushikilwe bantu ba lūma ne ba bongojani.*+
7 Ino nkatwela mu njibo yobe+ pa mwanda wa buswe bobe bukatampe bwa ndamatyidile;+Nkevukwila ntadidile ku tempelo* yobe ijila na moyo wa kalēmo kodi.+
8 A Yehova, ñendeje mu boloke bobe pa mwanda wa banshikilwe;Ntōkejeje dishinda dyobe.+
9 Mwanda kekudipo kintu kyobanena kibwanya kukulupilwa;Munda mwabo mudi’nka mutyima wa nshikani;Mudibu wabo i kibundu kidi pululu;Bafukulañananga na ludimi lwabo.*+
10 Ino Leza ukebaponeja;Nkuku yabo ikebaponejanga panshi.+
Bapangilwe kulampe pa mwanda wa kujilula kwabo kungikungi,Mwanda abakutombokela.
11 Ino boba bonso banyemena modi bakasangalanga;+Bakela nyeke nsadi ya tusepo.
Ukebakiñanga,Kadi boba basenswe dijina dyobe bakakusangela.
12 Mwanda abe ukesela yewa ense moloke, a Yehova;Kumwitabija kobe kukamukinga pamo bwa ngabo mikatampe.+
Kunshi kwa Dyani
^ Tala Nshintulwilo ya Bishima.
^ Nansha’mba “muntu umwanga mashi ne wa bongojani.”
^ Nansha’mba “kipandulwe.”
^ Nansha’mba “Bengidijanga ludimi lwa lushiñanya.”
