Ñimbo ya Mitōto 50:1-23
Lwimbo lwa Asafa.+
50 Leza wa baleza, Yehova,*+ wesambe;Witanga ntandaKushilwila kutambanga dyuba kutūla ne kodiponanga.*
2 Ku Ziona, buya bubwaninine,+ Leza weñenyanga.
3 Leza wetu ukāya kadi kakekalapo talala.+
Ku meso andi kudi mudilo uloteja,+Kadi kimpumpu kikatampe kimupukuminanga mitamba yonso.+
4 Witanga madiulu mūlu ne ntanda,+Mwanda wa atyibile bantu bandi mambo amba:+
5 “Nkongakenyai kondi bantu bami ba lulamato,Boba basamba nami kipwano na kitapwa.”+
6 Madiulu asapulanga boloke bwandi,Mwanda Leza mwine ye Mutyibi.+ (Sela)
7 “Ivwanai, banwe bantu bami, nami nkesamba;A Isalela, nkaleta bukamoni podi.+
Amiwa ne Leza, Leza obe.+
8 Nkikudingilangapo pa mwanda wa bitapwa byobe,Nansha pa mwanda wa byamulambu byobe bisōkwe bituntulu bidi nyeke ku meso ami.+
9 Nkisakangapo kuyata ñombe mu njibo yobe,Nansha bambuji* mu bipombo byobe.+
10 Mwanda nyema ense wa ntanda wa mu ditó i wami,+Enka ne banyema badi pa ngulu kanunu.
11 Ndyukile toni tonso twa mu ngulu;+Banyema kebabadika ba mu ntanda i bami.
12 Shi nadi na nzala, nkyadipo wa kukusapwila,Mwanda ntanda ya bumeni i yami ne byonso bidi’mo.+
13 Le ami nkadya mwita wa bañombeNe kutoma mashi a bambuji?+
14 Fwija’ko Leza bu kitapwa kyobe kwadi,+Kadi fikidija mpiko yobe kudi Mwine wa Peulu Mwine;+
15 Ngite mu kitatyi kya tusua.+
Nami nkakukūla, kadi nobe ukantumbijanga.”+
16 Ino Leza ukanena mubi amba:
“Le udi na lupusa’ka lwa kusapula misoñanya yami+Nansha kwisamba myanda ya kipwano kyami?+
17 Mwanda abe ushikilwe kulemununwa,*Kadi uvundaminanga’nka kuvundamina binenwa byami.*+
18 Shi ubamone ngivi, umwitabijanga,*+Kadi upwene nyeke na ba makoji.
19 Wingidijanga kyakanwa kyobe mwanda wa kusambakanya bibi,Kadi bongojani bulamete ku ludimi lobe.+
20 Ushikatanga kowisambila mwanenu bibi;+Usokolanga bilubo bya* mwanā inobe.
21 Powalongele bino bintu, naikele talala,Abe walanga’mba nsa kwikala pamo bwa abe.
Ino pano nkakudingila,Kadi nkanena myanda ya kukutuluja.+
22 Langai’po bidi kino’ki, banwe bedilwe Leza,+Kutyina nakemusasamuna bipindibipindi kwampikwa ne wa kwimukūla mwine.
23 Yewa ufwija’ko bu kitapwa kyandi untumbijanga,+Kadi yewa ulonda dishinda dyoloke,Nkamulengeja amone lupandilo lwa Leza.”+
Kunshi kwa Dyani
^ Nansha’mba “Wa bu Leza, Leza, Yehova.”
^ Nansha’mba “Kushilwila kutunduka kutūla ne kushika.”
^ Kishima pa kishima i, “bambuji balume.”
^ Kishima pa kishima i, “welanga binenwa byami kunyuma.”
^ Nansha’mba “bulombodi.”
^ Bibwanika padi i, “wiluñanga nandi.”
^ Nansha’mba “ufutululanga.”
