Ñimbo ya Mitōto 68:1-35
Kudi mukulu wa bañomba. Lwimbo lwa Davida.
68 Leza emane, balwana nandi bapalakanibwe,Kadi boba bamushikilwe banyeme ku meso andi.+
2 Wibapange pamo bwa mwishi upepulwa;Pamo bwa bupula busunguluka ku mudilo,Babi bonakanibwe ku meso a Leza.+
3 Ino boloke basangale;+Basangale bininge ku meso a Leza;Basepelele bininge na nsangaji.
4 Imbilai Leza; imbilai dijina dyandi mitendelo.*+
Imbilai Yewa upita mu malungu mudi zolē.*
Yah* dyo dyandi dijina!+ Sangalai ku meso andi!
5 Shandya bampikwa bashabo ne mulami* wa bakaji ba kishala+I Leza mu kīkalo kyandi kijila.+
6 Leza upanga boba badi bunka njibo mwa kwikala;+Utambijanga bakutwa ne kwibatweja mu bupeta.+
Ino ba mitwe myūmu* bafwaninwe kwikala mu ntanda myūmu tē.+
7 A Leza, powakunkwije* bantu bobe,+Powapityile mu ntanda mutuputupu, (Sela)
8 Ntanda yatenkene;+Diulu dyapungulwile mvula* pa mwanda wa Leza;Shinai uno’u watenkene pa mwanda wa Leza, Leza wa Isalela.+
9 Wanokeje mvula mungi, abe Leza;Wakomeje bantu* bobe badi bapungile.
10 Baikele mu mapema obe;+Mu buyampe bobe, wapēle mulanda byaadi usaka, abe Leza.
11 Yehova wasoñanya;Bana-bakaji basapula myanda miyampe i kibumbo kikatampe kya divita.+
12 Balopwe ba bibumbo bya mavita abanyema,+ abanyema!
Yewa ushele ku njibo nandi waabilwa mu bitūtwa.+
13 Nansha banwe byomwadi mulēle mu bukata mwa midilo ya nkambi,*Kukekalanga mapapa a nkunda mapūtwe na ndalama,
Ne mapapwa a olo itōka.*
14 Mwinē Bukomo Bonso pawapalakenye balopwe ba ntanda’ya,+Mashika mekwate aponene mu Zalemone.*
15 Lūlu lwa Bashane+ i lūlu lwa Leza;*Lūlu lwa Bashane i lūlu lulalula.
16 A ngulu milamila, mwanda waka mutala na meso a kwabilaKu lūlu lutongele* Leza bu kīkalo kyandi?+
Bine, Yehova ukekala kwine’kwa nyeke.+
17 Makalo a divita a Leza adi makumi a tununu, tununu na tununu.+
Yehova watambe ku Shinai waiya mu kifuko kyandi kijila.+
18 Abe wakandile peulu;+Wasela misungi;Wayata bantu bu byabuntu,+Bine, enka ne bantu ba mitwe myūmu,+ ba kushikata mu bukata mwabo, abe Yah Leza.
19 Yehova atendelwe, mwine wituselelanga kiselwa kyetu difuku ne difuku,+Leza wa bine wa lupandilo lwetu. (Sela)
20 Kotudi batwe, Leza wa bine i Leza upandija;+Kadi Yehova Mfumu Mwinē Lupusa Lonso upandijanga ku lufu.+
21 Bine, Leza ukalalakanya mitwe ya balwana nandi,Kabokwelo ka nywene ka mutwe wa yewa ense wendelela* mu bupya-mambo bwandi.+
22 Yehova wanena’mba: “Nkebajokeja batambe ku Bashane;+Nkebajokeja batambe mu nkulwe ya dijiba,
23 Amba kulu kobe koye mu mashi+Ludimi lwa bambwa bobe nalo lutambule kipindi kyalo ku balwana.”
24 Abamone milongo yobe ya benda, abe Leza,Milongo ya Leza wami, Mulopwe wami, mu kifuko kijila.+
25 Batuimba benda kumeso, bañomba bomba byombanwa bya myonji nabo bebalonda;+Pa bukata, bansongwakaji bomba mañoma.+
26 Mu bibumbo* byungwidile pamo, tendelai Leza;Tendelai Yehova, banwe batambile ku Nsulo ya Isalela.+
27 Kwine’kwa Benjemani,+ mukala, wibanekenyanga,Ne bamfumu ba Yuda nabo na kibumbo kyabo kitūta kyungwe,Bamfumu ba Zebuluna, bamfumu ba Nafatale.
28 Leza obe wasoñanya’mba ukekala na bukomo.
A Leza lombola bukomo bobe, abe wetulongēle bintu.+
29 Pa mwanda wa tempelo yobe idi mu Yelusalema,+Balopwe bakakuletela byabuntu.+
30 Funina banyema ba ntanda badi mu mabungu,Kibumbo kya bañombe+ ne byana byabo,Kufika ne bivukwila bantu ne kusela* bibese bya ndalama.Ino aye upalakanyanga bantu baloelelwe divita.
31 Bipungwa bya mukuba ufītuluka bikaselwa* ku Edipito;+Kusha ukapēlakana kulambula byabuntu kudi Leza.
32 A malopwe a ntanda, imbilai Leza,+Imbilai Yehova mitendelo,* (Sela)
33 Yewa utentamine pa diulu dya madiulu a kala.+
Tala! Ukungulanga na diwi dyandi, diwi dyandi dikomokomo.
34 Itabijai bukomo bwa Leza.+
Bukatampe bwandi budi pangala pa Isalela,Kadi bukomo bwandi budi mu makumbi.
35 Leza uleñanga nzuba mu kipandulwe kyandi* kikatampe.+
Aye i Leza wa Isalela,Mwine upanga bantu bukomo ne lupusa.+
Tendelai Leza.
Kunshi kwa Dyani
^ Nansha’mba “ombelai minjiki.”
^ Bibwanika padi i, “pa makumbi.”
^ “Yah” i dijina Yehova mu kīpi.
^ Kishima pa kishima i, “mutyibi.”
^ Nansha’mba “bantomboki.”
^ Kishima pa kishima i, “powatangidile.”
^ Kishima pa kishima i, “dyasūmine.”
^ Kishima pa kishima i, “bupyani.”
^ Bibwanika padi i, “bipombo bya mikōko.”
^ Nansha’mba “musombelo wa mani masābuke.”
^ Nansha’mba “Byadi pamo’nka na mashika mekwate adi apona mu Zalemone.”
^ Nansha’mba “lūlu lukatakata.”
^ Nansha’mba “lusaka.”
^ Nansha’mba “unangila.”
^ Kishima pa kishima i, “Mu bitango.”
^ Bibwanika padi i, “kutyampa pa.”
^ Bibwanika padi i, “Mikendi ikāya.”
^ Nansha’mba “Ombelai minjiki.”
^ Kishima pa kishima i, “kyobe.”
