Ñimbo ya Mitōto 96:1-13
96 Imbilai Yehova lwimbo lupya.+
Imbilai Yehova, ntanda yonso!+
2 Imbilai Yehova; tendelai dijina dyandi.
Sapulai myanda miyampe ya lupandilo lwandi difuku ne difuku.+
3 Sapulai ntumbo yandi mu mizo,Mingilo yandi ya kutendelwa mu bantu bonso.+
4 Yehova i mukatampe kadi i mufwaninwe kutendelwa bininge.
Uleñanga nzuba kutabuka baleza bakwabo bonso.
5 Baleza bonso ba bantu i baleza ba bituputupu,+Ino Yehova ye walongele madiulu.+
6 Bukatakata* ne buya bwa dyangi bidi ku meso andi;+Bukomo ne buya bidi mu kipandulwe kyandi.+
7 Pai Yehova kyokya kimufwaninwe, a bisaka bya bantu,Pai Yehova kyokya kimufwaninwe pa mwanda wa ntumbo ne bukomo bwandi.+
8 Pai Yehova ntumbo ifwaninwe dijina dyandi;+Letai kyabuntu ne kutwela mu bipango byandi.
9 Mwivukwilei kudi* Yehova koku muvwele bivwalwa bya dyangi bijila;*Zakalai ku meso andi, ntanda yonso!
10 Sapulai mu mizo amba: “Yehova wabikala ke Mulopwe!+
Ntanda* i mikomejibwe pototo, keibwanyapo kujina.*
Aye ukatyibilanga bantu mambo* na boloke.”+
11 Madiulu asangale, ntanda nayo isepelele;Dijiba dikungule ne byonso biyudile’mo;+
12 Madimi ne byonso bidi’mo bisangale.+Mu kitatyi kimo kyonka mityi yonso ya mu ditó yele nsadi ya tusepo+
13 Ku meso a Yehova, mwanda wiyanga,*Wiyanga kutyibila ntanda mambo.
Ukatyibanga na boloke mambo a ntanda ikelwe na bantu*+Ne a bantu na bubinebine bwandi.+
Kunshi kwa Dyani
^ Nansha’mba “Bulēme.”
^ Bibwanika padi i, “mwanda wa buya bwa dyangi bwa buujila bwandi.”
^ Nansha’mba “Tōtai.”
^ Nansha’mba “Ntanda ipa bipa.”
^ Nansha’mba “keikokejapo kutelententa.”
^ Nansha’mba “ukanenena bantu.”
^ Nansha’mba “waiya.”
^ Nansha’mba “ntanda ipa bipa.”
