Ñimbo ya Mitōto 97:1-12
97 Yehova wabikala ke Mulopwe!+
Ntanda isangale.+
Bisanga bingibingi bisepelele.+
2 Makumbi ne mfindi bwī bimujokolokele;+Boloke ne bululame i kyalwilo kya lupona lwandi.+
3 Mudilo wendanga ku meso andi+Ne kuloteja balwana nandi mitamba yonso.+
4 Mapeni andi amunikilanga ntanda;Ntanda ibeamone keizakala.+
5 Ngulu isungulukanga pamo bwa bupula ku meso a Yehova,+Ku meso a Mfumu wa ntanda yonso.
6 Madiulu asapulanga boloke bwandi,Kadi bantu bonso bamwene ntumbo yandi.+
7 Boba bonso bengidila nkishi musōnge bafwijibwe bumvu,+Boba betumbikila baleza babo ba bitupu.+
Mwivukwilei kwadi,* banwe baleza bonso.+
8 Ziona waivwana ne kusangala;+Bibundi bya* Yuda bibasepelelaPa mwanda wa butyibi bobe, a Yehova.+
9 Mwanda, a Yehova, abe ye Mwine wa Peulu Mwine pa ntanda yonso;Wi muzunzulwe bininge peulu pa baleza bakwabo bonso.+
10 Banwe basenswe Yehova, shikwai bibi.+
Aye ulamanga būmi bwa* bantu bandi ba lulamato;+Wibakūlanga mu kuboko kwa* babi.+
11 Kitōkeji kibasāmina boloke+Ne nsangaji nayo mwanda wa boba boloke swā mu mutyima.
12 Sangalai mudi Yehova, banwe boloke,Kadi fwijai’ko dijina* dyandi dijila.
Kunshi kwa Dyani
^ Nansha’mba “Mutōtei.”
^ Kishima pa kishima i, “Bana bana-bakaji ba.”
^ Nansha’mba “myuya ya.”
^ Nansha’mba “bukomo bwa.”
^ Kishima pa kishima i, “kivulukilo.”
