Bene Kodinda Umbajinji 10:1-33
10 Pano nsaka muyuke, banwe banabetu, amba bakulutuba betu bādi bonso munshi mwa dikumbi+ kadi bonso bāpityile mu dijiba+
2 kadi bonso bābatyijibwe mudi Mosesa mu dikumbi ne mu dijiba,
3 kadi bonso bādile byakudya bya ku mushipiditu bimo byonka+
4 kadi bonso bātomene bitomibwa bya ku mushipiditu bimo byonka.+ Mwanda bādi batomanga ku dibwe dya ku mushipiditu dyādi dibalonda, ne kadi dino dibwe’di dyādi dyelekeja* Kidishitu.+
5 Inoko, Leza kāsangedilepo bavule mu bukata mwabo, o mwanda bāfwile mu ntanda mutuputupu.+
6 Bino bintu’bi byāikele ke bimfwa kotudi, kutyina’mba twakasakasaka bintu bibibibi, mobādi basakilasakila’byo.+
7 Nansha kutōta bilezaleza, mwālongēle bamobamo mu bukata mwabo; monka mokilembelwe amba: “Bantu bāshikata kudya ne kutoma. Penepo bāimana kebesangaja.”+
8 Kadi ketwakilongai busekese,* mwālongele bamobamo mu bukata mwabo busekese,* ne kufwa bafwa, bantu 23 000 mu difuku dimo.+
9 Ne kadi ketwakitūlai Yehova* pa ditompo,+ mwāmutūdile bamobamo mu bukata mwabo pa ditompo, ne kutukila bātukila ku banyoka.+
10 Nansha kwiuningauninga,+ mwēuningile bamobamo mu bukata mwabo, ne kutukijibwa na yewa onakanya.+
11 Bino bintu’bi byēbafikīle bu bimfwa, kadi byālembelwe bu kidyumu kotudi batwe+ bafikilwa na mfulo ya ngikadilo ya bintu.
12 Nanshi yewa ulanga’mba wimene atadije kutyina’mba wakapona.+
13 I kutupu ditompo dimufikīle kedyafikīle bantu.+ Inoko Leza i wa binebine, kakemulekapo mutompibwe kupita pa byomubwanya kutyumwina mu manwi,+ ino shi ditompo dibafika ukemushitwila dishinda dya kutambila’ko amba mubwanye kūminina ditompo’dya.+
14 Shi ke pano, a baswedibwe bami, nyemai butōtyi bwa bilezaleza.+
15 Nemunena pamo bwa banwe bantu badi na kusansanya; bandaulai banwe bene byonesamba’bi.
16 Kitomeno kya dyese kyotwesela, mwene i kwiabila kotwiabila mashi a Kidishitu?+ Mukate otutyumuna, mwene i kwiabila kotwiabila umbidi wa Kidishitu?+
17 Mwanda kudi mukate umo, batwe, nansha byotudi bangi, twi umbidi umo,+ mwanda batwe bonso tudyanga ku mukate umo’wa.
18 Talai Isalela wa ku ngitu: Le boba badyanga bitapwa kebeabilangapo na kisōkelo’ni?+
19 Le penepo, nene’byo namani? Amba le kyokya kitapilwe kilezaleza kyo kintu’ni, nansha’ko kilezaleza kyo kintu?
20 Aa; inoko nanena’mba bitapwa bilambulanga bantu ba mizo balambulanga’byo ku bandemona, ke kudi Lezapo;+ kadi nkisakilepo mwikale kwiabila na bandemona.+
21 Kemubwanyapo kutoma kitomeno kya Yehova* ne kitomeno kya bandemona; kemubwanyapo kudya ku “meza a Yehova”*+ ne ku meza a bandemona.
22 Nansha ‘i mukao wa Yehova* otukolomona’?+ Le tudi na bukomo kumutabuka aye’ni, a?
23 Bintu byonso kebidipo na kijila,* inoko ke bintupo byonso bidi na kamweno. Bintu byonso kebidipo na kijila, inoko ke bintupo byonso byūbaka.+
24 Nanshi muntu ne muntu kakikimba kamweno ka aye mwine, ino akimbe nyeke kamweno ka mukwabo.+
25 Dyai bintu byonso bipotejibwa mu nsoko ya mwita wa ntanda, ne kwipangula kwine mpika pa mwanda wa mutyima wenu wa mundamunda,
26 mwanda “ntanda i ya Yehova* ne bintu byonso bidi’mo.”+
27 Shi muntu wampikwa kwitabija wemwite kadi nenu musakanga kwenda’ko, dyai kyonso kyawakemutūdila, ne kwipangula kwine mpika pa mwanda wa mutyima wenu wa mundamunda.
28 Ino shi muntu wemunena’mba, “Kino’ki i kintu kilambulwe bu kitapwa,” kemukadyai’kyo pa mwanda wa yewa wemulombola ne pa mwanda wa mutyima wa mundamunda.+
29 Nkinenenepo amba i wenu mutyima wa mundamunda, aa, ino i wa muntu mukwabo. Le kibandawilwa bwanapabo bwami na mutyima wa mundamunda wa muntu ungi i kika?+
30 Shi ndyanga ne kufwija’ko, le kyontukilwa pa byobya byomfwijija’ko i kika?+
31 Nanshi, nansha mudye nansha mutome nansha mulonge kintu kyo-kyonso, longai byonso mwanda wa ntumbo ya Leza.+
32 Lekai kwikala bu kikukaja ku Bayuda ne ku Bangidiki bene ne ku kipwilo kya Leza,+
33 monka monsangejanga bantu bonso mu bintu byonso, nkikimbangapo kamweno ka ami mwine+ ino i ka bavule bene, amba bapande.+
Kunshi kwa Dyani
^ Nansha’mba “i.”
^ Tala Nshintulwilo ya Bishima.
^ Tala Nshintulwilo ya Bishima.
^ Nansha’mba “i bitabijibwe.”
