Bene Kodinda Umbajinji 2:1-16
2 O mwanda ponaile komudi, banwe banabetu, nkyailepo na muneneno utulumukwa+ nansha na tunangu pa kwimusapwila kifibwe kikola+ kya Leza.
2 Mwanda napelele kuyuka kintu nansha kimo momudi poso enka Yesu Kidishitu, waipailwe ku mutyi.+
3 Kadi naile komudi mu bukōkekōke, na moyo, ne luzakalo lukatampe;
4 kadi mīsambo yami ne byonasapwile kebyadipo na binenwa bya tunangu binekenya, aa, ino i na kilomboji kya mushipiditu ne bukomo,+
5 amba lwitabijo lwenu kelwakekala mu tunangu twa bantu, ino lwikale mu bukomo bwa Leza.
6 Pano batwe twisambanga tunangu mu boba ke batame kala,+ ino ke tunangupo twa ino ngikadilo ya bintu* nansha twa baledi ba ino ngikadilo ya bintu ba kujimankana.+
7 Ino twisambanga tunangu twa Leza mu kifibwe kikola,+ tunangu tufye, twātongele kala Leza kumeso kwa ngikadilo ya bintu pa mwanda wa ntumbo yetu.
8 I tuno tunangu ketuyukilwepo na muledi nansha umo wa ino ngikadilo ya bintu,*+ mwanda shi betuyukile, longa kebadipo ba kwipaya* Mfumwetu wa ntumbo.
9 Ino monka mokilembelwe amba: “Diso kedyamwene’byopo ne kutwi nako kekwaivwene’byopo, nansha mutyima wa muntu kufwatakanya bintu byālongolwedile Leza boba bamusenswe.”+
10 Mwanda batwe bo basokwedilwe’byo+ na Leza kupityila ku mushipiditu wandi,+ mwanda mushipiditu ukimbakimbanga mu bintu byonso, enka ne mu bintu bya mushike bya Leza mwine.+
11 Mwanda i ani le mu bantu uyukile bintu bya muntu shi ke’nkapo mushipiditu wandi udi munda mwandi? Ne bintu bya Leza nabyo mo monka, i kutupu wayuka’byo, poso enka mushipiditu wa Leza.
12 Batwe’ko otwatambwile, ke mushipiditu wa ino ntandapo, aa, ino i mushipiditu wa kwa Leza,+ amba tuyuke bintu byetupele Leza na kanye.
13 Bino bintu’bi kadi tunenanga’byo, ke na binenwapo bya kufundijibwa na tunangu twa bantu,+ aa, ino i na byobya bya kufundijibwa na mushipiditu,+ potushintulula* myanda ya ku mushipiditu na binenwa bya ku mushipiditu.
14 Ino muntu wa bungitu ketabijangapo* bintu bya mushipiditu wa Leza, mwanda i bulembakane kwadi; kadi kakokejapo nansha kwibiyuka, mwanda abyo bibandaulwanga ku mushipiditu.
15 Inoko, muntu wa ku mushipiditu ubandaulanga bintu byonso,+ ino aye mwine kabandaulwangapo na muntu.
16 Mwanda “i ani le wayuka ñeni ya Yehova,* amba amufundije?”+ Ino batwe tudi na ñeni ya Kidishitu.+
Kunshi kwa Dyani
^ Nansha’mba “kino kitatyi.” Tala Nshintulwilo ya Bishima.
^ Nansha’mba “kino kitatyi.” Tala Nshintulwilo ya Bishima.
^ Nansha’mba “kwipaya ku mutyi.”
^ Nansha’mba “potutyanga.”
^ Nansha’mba “katambulangapo.”