Bilongwa bya Mafuku Umbajinji 18:1-17
18 Kitatyi kampanda pa kupita’po, Davida wanekenya bene Fidishitia, webatādila, kadi wasela Ngata+ ne bibundi bidi mu bwendeji bwandi* mu makasa a bene Fidishitia.+
2 Kupwa wanekenya Moabu,+ penepo bene Moabu baikala ke bengidi ba Davida kebamulambula milambu.+
3 Davida wanekenya Hadadezele+ mulopwe wa Zoba+ kubwipi na Hamata+ paadi wenda kukakomeja lupusa lwandi ku Munonga wa Ufalete.+
4 Davida wamuyata makalo 1 000, bakandanga pa tubalwe 7 000, ne basola ba lwa nshi 20 000.+ Kupwa Davida waketa tubalwe tonso mijilo kutalula’mo tubalwe 100 kete twa makalo.+
5 Bene Shidea ba ku Damakasa pa kwiya kukwasha Hadadezele mulopwe wa Zoba, Davida waipaya bene Shidea 22 000.+
6 Penepa Davida watūla bibumbo bya basola mu Shidea wa Damakasa, kadi bene Shidea baikala ke bengidi ba Davida kebamulambula milambu. Yehova wadi upa Davida bushindañani* konso kwaadi wenda.+
7 Ne kadi Davida wayata bengidi ba Hadadezele mangabo majokoloke a olo* waenda nao ku Yelusalema.
8 Davida wasela mikuba mivule bininge ku Tibihata ne ku Kune, bibundi bya Hadadezele. Ino mikuba’i yo yapungile nayo Solomone Dijiba dya mukuba,+ ne bikomo, ne bipungwa bya mukuba.+
9 Tou mulopwe wa Hamata pa kwivwana’mba Davida wanekenya kibumbo kyonso kya divita kya Hadadezele+ mulopwe wa Zoba,+
10 ponkapo watuma wandi mwana Hadolamu kudi Mulopwe Davida amwipangule mwabūkile ne kumufwija’ko mwanda walwile ne kunekenya Hadadezele (ke-pantu Hadadezele wadi uvudile kulwa na Tou), kadi waile na bintu bya miswelo yonso bya olo, ne bya ndalama, ne bya mukuba.
11 Mulopwe Davida wapandwila Yehova bino bintu,+ pamo ne ndalama ne olo byaaselele mu mizo yonso: ku Edoma ne Moabu, ku bene Amone,+ ne bene Fidishitia,+ ne bene Amaleke.+
12 Abishai+ mwanā Zeluya+ waipaile bene Edoma 18 000 mu Musanza wa Mwepo.+
13 Watūla bibumbo bya basola mu Edoma, kadi bene Edoma bonso baikala ke bengidi ba Davida.+ Yehova wadi upa Davida bushindañani* konso kwaadi wenda.+
14 Davida waendelela kubikala pa Isalela ense,+ kadi wadi utyibila bantu bandi bonso mambo na bululame ne na boloke.+
15 Yoabe mwanā Zeluya wadi mukatampe wa kibumbo kya divita,+ Yehoshafata+ mwanā Ahiluda wadi musoneki,
16 Zadoki mwanā Ahitube ne Ahimeleke mwanā Abiatala badi babitobo, kadi Shavesha wadi mulembi.
17 Benaya mwanā Yehoyada wadi mukatampe wa bene Keleta+ ne bene Peletyi.+ Ino Bana ba Davida badi pa kitenta kibajinji kupwa’tu mulopwe.
Kunshi kwa Dyani
^ Nansha’mba “bimujokolokele.”
^ Nansha’mba “lupandilo.”
^ Nansha’mba “nsahabu.”
^ Nansha’mba “lupandilo.”
