Bilongwa bya Mafuku Umbajinji 24:1-31
24 Bibumbo bya lutundu lwa Alone i bino: Bana ba Alone i Nadaba, Abihu,+ Eleaza, ne Itamala.+
2 Inoko ba Nadaba ne Abihu bafwile kumeso kwa bashabo,+ kadi kebadipo na mwana mwana-mulume nansha umo; ino Eleaza+ ne Itamala badi bengila nyeke bu babitobo.
3 Davida pamo ne Zadoki+ wa ku bana ba Eleaza ne Ahimeleke wa ku bana ba Itamala, bebabenye mu bibumbo mwanda wa kyepelo kya mingilo yabo.
4 Bana ba Eleaza byobadi na mitwe mivule kupita bana ba Itamala, bebabenye mobyendele: Bana ba Eleaza badi na mitwe 16 ya mobo a bashabo, ne bana ba Itamala nabo badi na mitwe 8 ya mobo a bashabo.
5 Ne kadi, bebabenye na bubale,+ kisumpi kimo pamo na kikwabo, mwanda kwadi bamfumu ba ku kifuko kijila kadi bamfumu ba Leza wa bine ba ku bana ba Eleaza ne ba ku bana ba Itamala.
6 Kupwa Shemaia mwanā Netanele mulembi wa bene Levi walemba majina abo ku meso a mulopwe, a bamfumu, a kitobo Zadoki,+ a Ahimeleke+ mwanā Abiatala,+ ne a mitwe ya mobo a bashandya babitobo ne bene Levi, njibo imo ya bashabo yatongelwa Eleaza, mikwabo nayo yatongelwa Itamala.
7 Bubale bubajinji bwatambila Yehoyadibi; bwa bubidi Yedaia,
8 bwa busatu Hadime, bwa buná Seodimi,
9 bwa butano Malekiya, bwa busamba Miyamini,
10 bwa busamba-bubidi Hakoze, bwa mwānda Abidya,+
11 bwa kitema Yeshua, bwa dikumi Shekania,
12 bwa 11 Ediashibi, bwa 12 Yakima,
13 bwa 13 Hupa, bwa 14 Yeshebeabe,
14 bwa 15 Bilaka, bwa 16 Imele,
15 bwa 17 Hezila, bwa 18 Hapizeza,
16 bwa 19 Petahia, bwa 20 Yehezekele,
17 bwa 21 Yakine, bwa 22 Ngamulu,
18 bwa 23 Delaya, bwa 24 Mazia.
19 Bino byo byepelo byabo bya mingilo+ yabo pobadi batwela mu njibo ya Yehova mungya mwingidilo watūdilwe na mukulutuba wabo Alone, monka mwamusoñaninye’kyo Yehova Leza wa Isalela.
20 Kadi ku bene Levi bashele’ko: ku bana ba Amalama,+ kwadi Shubaele;+ ku bana ba Shubaele nako, Yedeya;
21 kwa Lehabia:+ ku bana ba Lehabia, Ishia mutwe;
22 ku bene Izala, Shelomote;+ ku bana ba Shelomote nako, Yahate;
23 ne ku bana ba Hebelona, Yedia+ mutwe, Amadia wa bubidi, Yahaziele wa busatu, Yekameame wa buná;
24 ku bana ba Uziele, Mika; ku bana ba Mika nako, Shamilu.
25 Mwanabo na Mika i Ishia; ku bana ba Ishia nako, Zekadia.
26 Bana Meladi+ i Maheli ne Mushi; ku bana ba Yazia, Beno.
27 Bana ba Meladi: kwa Yazia, Beno, Shohama, Zakula, ne Ibidi;
28 ku bana ba Maheli, Eleaza, kadipo na bana bana-balume;+
29 kwa Kishi: ku bana ba Kishi, Yelamele;
30 kadi bana ba Mushi i Maheli, Edela, ne Yedimote.
Bano bo bana ba Levi mungya mobo a bashabo.
31 Nabo batele bubale’nka+ na mwatedile’bo banababo bana ba Alone ku meso a Mulopwe Davida, a Zadoki, a Ahimeleke, ne a mitwe ya mobo a bashandya babitobo ne bene Levi. Mu myanda ya mobo a bashabo, mutwe wadi pamo’nka na nkasandi.
