Bilongwa bya Mafuku Umbajinji 26:1-32
26 Bino byo bibumbo bya batulama ba ku kibelo:+ ku bene Kola, Meshelemia+ mwanā Kole wa ku bana ba Asafa.
2 Meshelemia nandi wabutwile bana: Zekadia mwana umbedi, Yediaele wa bubidi, Zebadia wa busatu, Yataniele wa buná,
3 Elama wa butano, Yehohanana wa busamba, Edieho-Enai wa busamba-bubidi.
4 Obede-Edome nandi wabutwile bana: Shemaia mwana umbedi, Yehozabada wa bubidi, Yoa wa busatu, Sakale wa buná, Netanele wa butano,
5 Amiele wa busamba, Isakala wa busamba-bubidi, ne Peuletai wa mwānda; mwanda Leza wamwesele.
6 Wandi mwana Shemaia nandi wabutwile bana badi baledi ba njibo ya shabo, mwanda badi bana-balume bakomokomo kadi bankanka.
7 Bana ba Shemaia i: Oteni, Lefaele, Obeda, ne Elezabada; kadi banababo ba Edihu ne Semakia nabo badi bana-balume bankanka.
8 Bano bonso’ba badi bana ba Obede-Edome; abo ne babo bana ne banababo badi bana-balume bankanka kadi babwanya kwingila mingilo, bantu 62 ba kwa Obede-Edome.
9 Meshelemia+ nandi wadi na bana ne banababo, bana-balume bankanka 18.
10 Hosa wa ku bana ba Meladi nandi wabutwile bana. Shimidi ye wadi mutwe, mwanda nansha byakadipo mwana umbedi, shandi wamutongele bu mutwe.
11 Hilekia wa bubidi, Tebadia wa busatu, Zekadia wa buná. Bana bonso ne banababo na Hosa badi 13.
12 Mu bino bibumbo bya batulama ba ku kibelo, mitwe yadi na mingilo imo yonka pamo na ya banababo, ya kwingila ku njibo ya Yehova.
13 Penepo bata bubale,+ mutyetye ne mukatampe mwine mungya mobo a bashabo, mwanda wa bibelo palapala.
14 Ebiya bubale bwa kutunduka bwaponena Shelemia. Kupwa bata bubale bwa wandi mwana Zekadia, mudingidi mudyumuke, bubale bwandi bwatambila kungala.
15 Bwa Obede-Edome bwaikala kunshi, bandi bana+ nabo bapebwa mobo a bibīko.
16 Bwa ba Shupimi ne Hosa+ nabo bwaikala kushika, kubwipi na Kibelo kya Shalekete dya ku dishinda dikatampe dyenda dikanda, kisumpi kya balami kidingakene na kisumpi kya balami;
17 kwadi bene Levi basamba kutunduka; kungala, baná difuku ne difuku; kunshi, baná difuku ne difuku; kadi ku mobo a bibīko+ nako, babidi babidi;
18 ku lukūngu, kushika, kwadi baná ku dishinda dikatampe+ ne babidi ku lukūngu.
19 Bino byo byadi bibumbo bya batulama ba ku kibelo ba ku bana ba bene Kola ne bene Meladi.
20 Ku bene Levi, Ahiya ye wadi utala bibīko bya byabulēme bya njibo ya Leza wa bine ne bibīko bya byabulēme bya bintu bipandulwe.*+
21 Bana ba Ladani, bana ba mwine Ngelashona ba kwa Ladani, mitwe ya mobo a bashabo ya kwa Ladani mwine Ngelashona: Yehieli+
22 ne bana ba Yehieli, ba Zetame ne mwanabo Yoela. Badi batala bibīko bya byabulēme bya njibo ya Yehova.+
23 Ku bene Amalama, bene Izala, bene Hebelona, ne bene Uziele,+
24 Shebwele mwanā Ngelashoma mwanā Mosesa wadi mutangidiji wa kutala mobo a bibīko.
25 Ku banababo, kwa Ediezela,+ kwadi Lehabia+ wandi mwana, Yeshaia wandi mwana, Yolama wandi mwana, Zikidi wandi mwana, ne Shelomote wandi mwana.
26 Uno Shelomote ne banababo badi batala bibīko byonso bya byabulēme bya bintu bipandulwe,+ byapandwilwe na Mulopwe Davida,+ ne mitwe ya mobo a bashabo,+ ne bakata ba tununu ne ba tutwa, ne bakata ba kibumbo kya divita.
27 Bapandwile bintu bya ku mavita+ ne bya mu bitūtwa+ mwanda wa kulongolola njibo ya Yehova;
28 ne byonso byapandwilwe na Samwele mumoni,+ ne Solo mwanā Kishi, ne Abinele+ mwanā Nele, ne Yoabe+ mwanā Zeluya.+ Kintu kyo-kyonso kyadi kipandulwa na muntu kyadi kitalwa na Shelomite ne banababo.
29 Ku bene Izala,+ Kenania ne bandi bana batūdilwe ku mingilo ya kutala myanda ya panja bu bengidi ba bulēme ne bu batyibi+ ba Isalela.
30 Ku bene Hebelona,+ Hashabia ne banababo, bana-balume bankanka 1 700 badi baludika Isalela mu ntanda ya kushika kwa Yodano mwanda wa mingilo yonso ya Yehova ne mwanda wa mingilo ya mulopwe.
31 Ku bene Hebelona, Yediya+ wadi mutwe wa bene Hebelona mungya musuku wa njibo ya shabo. Mu mwaka wa 40 wa bulopwe bwa Davida,+ bakimbile bya binebine, basokola mu bukata mwabo bana-balume bakomokomo, bankanka mu Yazele+ mu Ngileade.
32 Kadi banababo babadilwe badi bantu 2 700, bana-balume bankanka, mitwe ya mobo a bashabo. Ebiya Mulopwe Davida webatūla pa bene Lubeni, bene Ngade, ne kipindi kya kisaka kya bene Manase, bu ba kutala myanda yonso ya Leza wa bine ne myanda ya mulopwe.
Kunshi kwa Dyani
^ Nansha’mba “bintu bipānwe.”
