Samwele wa Bubidi 21:1-22
21 Ino kwadi kipupo kya nzala+ mu mafuku a Davida mu myaka isatu milondakane, ebiya Davida waipangula Yehova, Yehova nandi wanena’mba: “Kudi mambo a mashi padi Solo ne pa njibo yandi, mwanda waipaile bene Ngibeone.”+
2 Penepo mulopwe waityija bene Ngibeone+ wesamba nabo. (Inoko bene Ngibeone kebadipo bene Isalela ino badi bene Amole+ bashele’ko, kadi bene Isalela batyipile kwibapandija,+ ino Solo wakimba kwibepaya pa mwanda wa bupyasakane bwaadi nabo pa bantu ba Isalela ne ba Yuda.)
3 Davida wanena bene Ngibeone amba: “Le nemulongele bika, ne i muswelo’ka ombwanya kupūta bubi amba mwesele bupyani bwa Yehova?”
4 Bene Ngibeone bamulondolola’mba: “Ke mwandapo wa ndalama nansha olo+ otwipile na Solo ne ba mu njibo yandi; kadi ketubwanyapo kwipaya muntu mu Isalela.” Penepo nandi wanena’mba: “Byonso byomukanena nkemulongela’byo.”
5 Balondolola mulopwe amba: “Muntu wetukubije ne wakutyile nkuku ya kwitutukija tuleke kwikala kuntu ko-konso mu ntanda ya Isalela+—
6 betupe bandi bana bana-balume basamba-babidi. Tusa kuyeyeka imbidi yabo* mifwe+ ku meso a Yehova mu Ngibea+ wa Solo, mutongwe wa Yehova.”+ Mulopwe nandi wanena’mba: “Nsa kwibapāna.”
7 Inoko, mulopwe waivwanina bulanda Mefibosheta,+ mwanā Yonafane mwanā Solo, mwanda wa mutyipo wetyipile ba Davida ne Yonafane+ mwanā Solo ku meso a Yehova.
8 Ebiya mulopwe wayata Alamoni ne Mefibosheta, bana babidi ba Dizepa+ mwanā Aiya baabutwidile Solo, ne bana batano ba Mikale*+ mwanā Solo baabutwidile Adadiele+ mwanā Balezilai mwine Mehola.
9 Kupwa webapāna kudi bene Ngibeone, nabo bayeyeka imbidi yabo mifwe pa lūlu ku meso a Yehova.+ Bonso basamba-babidi bafwa pamo; baipailwe mu mafuku mabajinji a mwangulo, ku ngalwilo kwa mwangulo wa mebele a buluba.
10 Kupwa Dizepa+ mwanā Aiya wasela sāka wamwala pa dibwe tamba ku ngalwilo ya mwangulo kufika ne byanokele mvula wa mūlu pa imbidi’ya; kalekelepo toni twa mūlu twibatumbe dyuba nansha banyema ba mu ntanda kufwena kubwipi bufuku.
11 Basapwila Davida byalongele Dizepa mwanā Aiya mukaja Solo wa pafula.
12 Ebiya Davida wasela mikupa ya Solo ne mikupa ya wandi mwanā Yonafane kudi baledi* ba Yabeshe-Ngileade,+ bene bebebile ku kīkwe kya Bete-Shane, kwine kwebayeyekele bene Fidishitia mu difuku dyobaipaile Solo kudi bene Fidishitia ku Ngidiboa.+
13 Wasela’ko mikupa ya Solo ne mikupa ya wandi mwana Yonafane, kadi bakongakenya pamo ne mikupa ya bantu baipailwe’ba.*+
14 Kupwa bajīka mikupa ya Solo ne ya wandi mwana Yonafane mu ntanda ya Benjemani mu Zēla+ mu kibundu kya shandi Kishi.+ Abo pa kupwa kulonga byonso byebasoñenye mulopwe, Leza waivwana kuzenza kwabo pa mwanda wa ntanda’ya.+
15 Kwaikala monka divita pa bukata bwa bene Fidishitia ne Isalela.+ Penepo Davida ne bengidi bandi batūka balwa na bene Fidishitia, ino Davida wakōka bininge.
16 Muntu umo wa ku lutundu lwa bene Lefaime+ witwa bu Ishibi-Benobe, wadi na mukobe ulēma mashekele 300*+ kadi wadi mwilumbile kipete kipya, wadi musumininwe kutapa Davida.
17 Ponkapo Abishai+ mwanā Zeluya waiya kumukwasha,+ watapa mwine Fidishitia wamwipaya. Mu kine kitatyi’kya bana-balume ba Davida bamutyipila uno mutyipo amba: “Kukifwaninwepo kwenda netu monka ku bulwi!+ Kufwaninwepo kubula kinanu kya Isalela!”+
18 Kupwa papo, divita dyashilula monka na bene Fidishitia+ ku Ngobe. Mu kine kitatyi’kya Shibekai+ mwine Husha watapa Safe wa ku lutundu lwa bene Lefaime.+
19 Divita dyashilula monka na bene Fidishitia+ ku Ngobe, kadi Elanana mwanā Yale-Olengimi mwine Betelema watapa Ngodiata mwine Ngata wadi na mukobe wa lupumba* lwadi pamo bwa mutyi wa basukanga bisandi.+
20 Kadi divita dyashilula monka ku Ngata, kwadi muntu wa kimano kipite’byo kipimo, wa minwe 6 ku kuboko ne kuboko ne maná 6 ku kinyantyilo ne kinyantyilo, 24 pa byonso; nandi wadi wa ku lutundu lwa bene Lefaime.+
21 Wadi ukolomona Isalela+ kyaba kyonso. Penepo Yonafane mwanā Shimei,+ mwanabo na Davida wamwipaya.
22 Bano bantu baná ba ku lutundu lwa bene Lefaime mu Ngata, kadi baponene ku kuboko kwa Davida ne ku kuboko kwa bengidi bandi.+
Kunshi kwa Dyani
^ Kishima pa kishima i, “kwibalombola patōka,” ko kunena’mba, na maboko ne maulu matyumune.
^ Bibwanika padi i, “Melabe.”
^ Bibwanika padi i, “benē ntanda.”
^ Kishima pa kishima i, “balombwelwe patōka.”
^ Kintu kya makilo 3,42. Tala Mbwejo B14.
^ Mutyi mukwikwanga mukobe.
