Yoano wa Bubidi 1:1-13
1 Ami mwana-mulume mununu,* kudi lolo mutongwe ne bandi bana, bonsenswe binebine, ke’nkapo amiwa, ino i ne boba bonso bayuka bubine,
2 pa mwanda wa bubine budi nyeke motudi, bukekala netu nyeke ne nyeke.
3 Tukekalanga na kanye ka ku buntu bitupu ne lusa, ne ndoe bitamba kudi Leza Tata ne kudi Yesu Kidishitu, Mwanā Tata, pamo ne bubine ne buswe.
4 Nasangala bininge mwanda namone bobe bana bamo banangila mu bubine,+ monka motwapedilwe mbila na Tata.
5 Pano nakulombe, abe lolo, twisanswei batwe bene na bene. (Nkikulembēlepo mbila mipya, ino i yoya yotwadi nayo tamba ku ngalwilo.)+
6 Kadi buno namino bo buswe, amba tunangile nyeke mwendele mbila yandi.+ Ino yo mbila, monka momwaivwanine tamba ku ngalwilo, amba munangile’mo nyeke.
7 Mwanda kubatambe bañongojani bangi mu ino ntanda,+ boba bapela kwitabija’mba Yesu Kidishitu waile mu ngitu.+ Uno’u ye ñongojani kadi kinkwa na Kidishitu.+
8 Dyumukai, kutyina mwakajimija bintu byotwaingidile, ino amba mutambule mpalo mituntulu.+
9 Muntu ense wenda kulampe ne kwikala nyeke mu bufundiji bwa Kidishitu mpika kadipo na Leza.+ Yewa udi nyeke mu buno bufundiji ye udi na Tata ne na Mwana+ mwine.
10 Shi muntu waiya komudi ne kwimuletela buno bufundiji mpika, kemwakimutambulai mu enu mobo+ nansha kumwimuna kwine.
11 Mwanda yewa umwimuna weabila nandi mingilo yandi mibi.
12 Nansha byondi na bivule bya kwimulembela, nkisakilepo kwimulembela’byo pa papye ne na bwīno, ino nkulupile kwiya komudi kwisamba nenu mpala na mpala, amba nsangaji yenu iyule bā.
13 Bana ba mwanenu mwana-mukaji, mutongwe, abakwimuna
Kunshi kwa Dyani
^ Nansha’mba “mukulumpe.”
