Lwimbo lwa Ñimbo 1:1-17
-
Lwimbo lwa ñimbo (1)
-
Nsongwakaji (2-7)
-
Bana ba Yelusalema bana-bakaji (8)
-
Mulopwe (9-11)
-
“Tusa kukulongela bya kwidyangula nabyo bya olo” (11)
-
-
Nsongwakaji (12-14)
-
“Muswe wami udi pamo bwa mufuko wa mwenye wa mpakwa” (13)
-
-
Mukumbi (15)
-
“Wi muyampe, a muswedibwe wami”
-
-
Nsongwakaji (16, 17)
-
“Wi muyampe, a muswe wami” (16)
-
1 Lwimbo lwa ñimbo,* lwa Solomone:+
2 “Amfifye na mififyo ya kyakanwa kyandi,Mwanda bilongwa byobe bya kisanso i bipite vinyu.+
3 Mwenye wa māni obe usangajanga.+
Dijina dyobe didi pamo bwa māni a mwenye apungululwa.+
O mwanda bansongwakaji bakusenswe.
4 Nsele;* tunyeme lubilo.
Mulopwe wantwejeje mu byumba byandi bya munda!
Tusangale ne kusepelela modi.
Tutendele* bilongwa byobe bya kisanso kupita vinyu.
Badi* na bubinga bwa kukusanswa.
5 A bana-bakaji ba Yelusalema, mfītanga, ami’ko muyampe,Pamo bwa mapema a Kedala,+ pamo bwa bisandi+ bya mapema a Solomone.
6 Kemwakintalai mwanda mfītulukanga,Mwanda dyuba dyansōkele.
Bana ba lolo baundobēle;Bauntūla kulama madimi a mañanza,Ino budimi bwami bwa mañanza nkyalamine’bopo.
7 Abe onsenswe* bininge, nomboleKwine kodisha luombe lobe,+Kwine kowilulādikile dyuba mu mitwe.
Le i kika kyongikadila pamo bwa mwana-mukaji mwivunge kilēnda*Mu luombe lwa bakwenu?”
8 “Abe muyampe mpala kutabuka bana-bakaji, shi kuyukilepo,Enda ukalonde mikono ya luombeKadi kadishe bobe bambuji bana kubwipi na mapema a bakumbi.”
9 “A muswedibwe wami, nakudingakanya na kabalwe* kakaji mu makalo a Felo.+
10 Matama obe i mayampe na bya kwidyangula nabyo,*Nshingo yobe na myonji ya malungo.
11 Tusa kukulongela bya kwidyangula* nabyo bya olo*Kwelwe tumalungo twa ndalama.”
12 “Mulopwe pashikata ku meza andi majokoloke,Mananshi*+ ami anunka mwenye.
13 Muswe wami udi pamo bwa mufuko wa mwenye wa mpakwa kondi+Ulāla bufuku bonso pa bukata bwa mabele ami.
14 Muswe wami udi pamo bwa kisansa kya kamutyi ka hena kondi+Mu madimi a mañanza a Ene-Ngedi.”+
15 “Tala! Wi muyampe, a muswedibwe wami.
Tala! Wi muyampe. Meso obe i a bankunda.”+
16 “Tala! Wi muyampe,* a muswe wami, kadi unsangajanga.+
Butanda bwetu budi mu mani.
17 Makomba a njibo* yetu i a mityi ya sedele,Mikabo yetu i ya mityi ya jenevidiye.
Kunshi kwa Dyani
^ Nansha’mba “Lwimbo lutabukile buya.”
^ Kishima pa kishima i, “Nkokele kodi.”
^ Nansha’mba “Tusekunune.”
^ Ko kunena’mba, Bansongwakaji.
^ Nansha’mba “obasenswe kudi muya wami.”
^ Nansha’mba “kilēnda kya madilo.”
^ Nansha’mba “kabalwe kami.”
^ Bibwanika padi i, “mu nywene mibande.”
^ Nansha’mba “bidyangulwa bijokoloke.”
^ Nansha’mba “nsahabu.”
^ Kishima pa kishima i, “Nado.”
^ Nansha’mba “muyampe mpala.”
^ Nansha’mba “njibo mikatampe.”
