Lwimbo lwa Ñimbo 2:1-17
2 “Amiwa ne diluba’tu dya safelona dya mu dilungu dya ku lui,Diluba dya mu misanza.”+
2 “Pamo bwa diluba didi mu mibaMo mwikadile muswedibwe wami mu bana bana-bakaji.”
3 “Pamo bwa mutyi wa pome mu mityi ya ditó,Mo mwikadile muswe wami mu bana bana-balume.
Ngabilanga bininge kushikata mu mwemba wandi,Kadi bipa byandi bintobalanga kudya.
4 Wantwejeje mu njibo ya masobo,*Kadi lwembela lwandi pondi i buswe.
5 Ntalaje mutyima na mikate ya mañanza;+Nkomeje na mapome,Mwanda mbelanga buswe.
6 Kuboko kwandi kwa lunkuso kudi munshi mwa mutwe wami,Kuboko kwandi kwa lundyo nako kumfumbakanyanga.+
7 A bana ba Yelusalema bana-bakaji, nemutyipija,Ne tusha ne tusha tukaji+ twa mu ntanda’mba:
Kemwakilangulai, kemwakilangulai buswe mondi kufika ne byobwiya abo bwine.+
8 Diwi dya muswe wami!
Tala! Yewa wiya,Ukanda ngulu, utumbuka masumba pa mikuna.
9 Muswe wami udi pamo bwa kasha, pamo bwa kambalambala kana.+
Awa keye, wimene kunyuma kwa lubumbu lwetu,Utadila pa madidisha,Utadila pa tunyungilo.
10 Muswe wami wisambanga, unombola’mba:
‘A muswedibwe wami būka,A muyampe wami, twaya.
11 Tala! Kitatyi kya mashika* kibapite.
Mvula wapu, wai.
12 Maluba abamweka mu ntanda,+Kitatyi kya kukukula mityi kibabwana,+Kadi kudila kwa kakutyikutyi kubaivwanwa mu ntanda yetu.+
13 Kikuyu kibaeleja bikuyu byakyo bibajinji;+Mañanza abatōya maluba keanunka mwenye.
Būka, a muswe wami, iya.
A muyampe wami, twaya.
14 A nkunda wami udi mu kidibwe mwa kunyemena,Mu mpako ya dibwe,+Longa nkumone ne kwivwana diwi dyobe,+Mwanda diwi dyobe dinsangajanga kadi mpala yobe i miyampe.’”+
15 “Witukwatyile mikenge,Mikenge mityemitye yona madimi a mañanza,Mwanda madimi etu a mañanza keatōya maluba.”
16 “Muswe wami i wami, nami ne wandi.+
Ukumbanga luombe+ mu maluba.+
17 Kufika ne kitatyi kya kaluvula* ne kijimina minjiñininya,A muswe wami, joka bukidi,Pamo bwa kasha+ nansha bwa kambalambala kana+ pa ngulu itukalañenye.*
Kunshi kwa Dyani
^ Kishima pa kishima i, “njibo ya vinyu.”
^ Nansha’mba “buyo.”
^ Kishima pa kishima i, “bipēpula difuku kaluvula.”
^ Bibwanika padi i, “ngulu ya mitanta.” Nansha’mba “ngulu ya Beta.”
