Lwimbo lwa Ñimbo 3:1-11
3 “Bufuku pa butanda bwami,Nadi nkimba yewa onsenswe.*+
Nadi mukimba ino kumusokola mpika.+
2 Nsa kubūka ne kunangakana mu kibundi;Mu bipito ne mu bīkwe,Leka nkimbe yewa onsenswe.*
Nadi mukimba ino kumusokola mpika.
3 Batulama badi bajokoloka mu kibundi bauntene.+
‘Lelo mubamonenga yewa onsenswe?’*
4 Ami’tu nebapitaNatana yewa onsenswe.*
Namukwata, nkyamulekelepo endeKufika ne byonamutwejeje mu njibo ya mama,+Mu kyumba kya munda kya mwine wangimite.
5 A bana ba Yelusalema bana-bakaji, nemutyipija,Ne tusha ne tusha tukaji twa mu ntanda’mba:
Kemwakilangulai, kemwakilangulai buswe mondi kufika ne byobwiya abo bwine.”+
6 “Le i kika kīya mu ntanda mutuputupu kikanda pamo bwa malenga a mwishi,Kitūtwe mananshi a mpakwa ne ensense itōka,
Ne bukula bonso bwa mwenye bwa nsunga?”+
7 “Tala! I kipoyo kya Solomone.
Bantu makumi asamba bakomokomo bekijokolokele,Ba mu bantu bakomokomo ba Isalela,+
8 Abo bonso belumbile kipete,Abo bonso bafundijibwe divita,Ense na kipete kyandi mu munda yandiMwanda wa kwilama ku luzakalo lwa bufuku.”
9 “I kipoyo* kya bulopwe kya Mulopwe SolomoneKyawelongēle na mityi ya Lebanona.+
10 Walongele bikomo byakyo na ndalama,Kwa kweyalala ne pa kutūla maboko na olo.
Kishikato kyakyo na myoya ityilakana;Munda mwakyo i muneñenyibwe na busweNa bana ba Yelusalema bana-bakaji.”
11 “Banwe bana ba Ziona bana-bakaji tambai,Katalei Mulopwe SolomoneUvwele kilukwa* kya butundaile kyamulongēle inandi+Mu difuku dyandi dya butundaile,Mu difuku dya kusangala mutyima wandi.”
Kunshi kwa Dyani
^ Nansha’mba “obasenswe kudi muya wami.”
^ Nansha’mba “obasenswe kudi muya wami.”
^ Nansha’mba “obasenswe kudi muya wami.”
^ Nansha’mba “obasenswe kudi muya wami.”
^ Kitalu kipūte kyadi kingidijibwa mwanda wa kusela’po muntu wa bulēme.
^ Nansha’mba “kilukwa kya maluba; nkata wa bimuna.”
