Lwimbo lwa Ñimbo 6:1-13
6 “Le muswe obe waenda kwepi,A muyampe kupita bana-bakaji?
Le muswe obe waalamukila dyepi?
Twende tukakukimbije’ko.”
2 “Muswe wami watūkila ku budimi bwandi,Ku matanda a mityi ya binunka mwenye,Kukakumba luombe mu madimiNe kwapa maluba.+
3 Amiwa ne wa muswe wami,Muswe wami nandi i wami.+
Ukumbanga luombe mu maluba.”+
4 “Wi muyampe pamo bwa Tilaza,*+ a muswedibwe wami,+Wa buya pamo bwa Yelusalema,+Mulumbuluke mpata pamo bwa bibumbo bya divita bijokolokele ñembela yabo.+
5 Kokantala,+Mwanda meso obe ankubulanga mutyima.
Nywene yobe idi pamo bwa luombe lwa bambujiBatūka matēlo a Ngileade.+
6 Meno obe adi pamo bwa luombe lwa mikōkoItamba mu koijibwa,Yonso idi na twana twa mapasa,Kadi kekudipo nansha umo ujimije kana kao.
7 Pamo bwa kipindi kya kipa kya ngelenadeMo mwikadile matama* obe mu nyuma mwa kilēnda kyobe.
8 Kubwanya kwikala bakaji 60 ba mulopweNe bakaji ba pafula 80Ne bansongwakaji kebabadika.+
9 Ino umo kete ye nkunda wami,+ wampikwa dikeme.
Mubutulwe bunka na inandi.
Muswedibwe* na yewa wamubutwile.
Bana bana-bakaji bamumonanga, kebamutela bu wa nsangaji;Bakaji ba mulopwe ne bakaji ba pafula, kebamutendela.
10 ‘Le yewa weñenya* pamo bwa kibangabanga i ani,Muyampe pamo bwa kweji mutuntulu,Utōka tō pamo bwa mwinya wa dyuba,Mulumbuluke mpata pamo bwa bibumbo bya divita bijokolokele ñembela yabo?’”+
11 “Natūkīle ku budimi bwa mityi ya ntole+Kukatala mani mana mu musanza,*Kukatala shi mañanza abashipuka,*Shi mityi ya mangelenade ibatōya maluba.
12 Ami papo kuyuka mpika,Kusakasaka* kwami kwankandijaPa makalo a bantu bami ba bulēme.”*
13 “Joka, joka, a mwine Shulama!
Joka, joka,Amba tukubandile!”
“Mwanda waka mutala mwine Shulama?”+
“Aye udi pamo bwa luja lwa bibumbo bibidi!”*
Kunshi kwa Dyani
^ Nansha’mba “Kibundi Kisangaja.”
^ Nansha’mba “bitako bya matwi.”
^ Kishima pa kishima i, “Utōka tō.”
^ Kishima pa kishima i, “utala panshi.”
^ Nansha’mba “kinekaneka.”
^ Nansha’mba “abatote.”
^ Nansha’mba “Muya.”
^ Nansha’mba “ba kwilanga.”
^ Nansha’mba “luja lwa Mahanaimi.”
