Lwimbo lwa Ñimbo 7:1-13
7 “Bine, binyantyilo byobe i biyampe mu bikwabilo byobe,Abe mwana-mukaji wa bulēme!
Bitonto bya matangatanga obe bidi pamo bwa bya kwidyangula nabyo,Mwingilo wa makasa a sendwe.
2 Musuku obe i lweso lubumbakane.
Kewakibulwa nansha dimo vinyu mityange.
Difu dyobe i mulwi wa ñano,Mujokolokwe na maluba.
3 Mabele obe abidi adi pamo bwa twana tubidi twa kasha,Twana twa mapasa twa kasha.+
4 Nshingo yobe+ idi pamo bwa kiteba kya meno a nzovu.+
Meso obe+ adi pamo bwa bijiba mu Heshebone,+Dya ku kibelo kya Bate-Labimi.
Mulu obe udi pamo bwa kiteba kya Lebanona,Kitadidile ku Damakasa.
5 Mutwe obe i mukuvwike kilukwa pamo bwa Kalamela,+Kadi nywene yobe*+ idi pamo bwa myoya ityilakana.+
Mulopwe wakokwe* na bibande biyela.
6 Bine, wi muyampe, kadi bine unsangajanga,A mwana-mukaji muswedibwe, kupita bonso bobaloelelwa bininge!
7 Kīmo kyobe kidi pamo bwa kankindu,Kadi mabele obe adi pamo bwa bisansa bya tukonkoma.+
8 Nanenene amba, ‘Nsa kukanda ku kankinduAmba nkwate ku mikombo ya bipa byako.’
Mabele obe ekale pamo bwa bisansa bya mañanza,Umpuya obe nao pamo bwa mwenye wa bipa bya pome,
9 Ne kyakanwa* kyobe nakyo pamo bwa vinyu milumbuluke kutabuka.”
“Itūkile biyampe muswe wami,Ikuke bityebitye ku milomo ya boba balēle.
10 Amiwa ne wa muswe wami,+Kadi kusakasaka kwandi kudi kondi.
11 A muswe wami, iyaTwende mu ntanda;Tukashikate mu mityi ya hena.+
12 Tubūke futwi twende ku madimi a mañanzaTukatale shi mañanza abashipuka,*Shi maluba abetoyola,+Shi mityi ya mangelenade keidi na maluba.+
Nkakulombolanga kisanso kyami kwine’kwa.+
13 Bilungu bya mandalangole+ binunkijanga mwenye wabyo;Pa bibelo byetu padi bipa bilumbuluke bya miswelo yonso.+
Bipya ne bikulu,A muswe wami, nadi nkubikīle’byo.
Kunshi kwa Dyani
^ Nansha’mba “wakutwe.”
^ Kishima pa kishima i, “mutwe obe.”
^ Kishima pa kishima i, “kilango.”
^ Nansha’mba “abatote.”
