Amose 1:1-15
1 Binenwa bya Amose,* wa mu babimunye ba mikōko ba ku Tekoa,+ byaatambwile mu kimonwa pa mwanda wa Isalela mu mafuku a Uzia+ mulopwe wa Yuda ne mu mafuku a Yeloboame+ mwanā Yoashe,+ mulopwe wa Isalela, myaka ibidi kumeso kwa kutenkana kwa ntanda.+
2 Wanena’mba:
“Yehova ukabuluma ku Ziona,Kadi ukatulula diwi dyandi ku Yelusalema.
Madyo a bakumbi akadila,Kadi nsongo ya Kalamela ikōma.”+
3 “Yehova wanena namino amba,‘“Pa mwanda wa butomboki* busatu bwa Damakasa, ne pa mwanda wa butomboki buná, ami nkikashinta’byopo,Mwanda bapūdile Ngileade na bipungwa bya kupūla nabyo bya byuma.+
4 O mwanda nkatuma mudilo pa njibo ya Hazaele,+Nao ukasōka biteba bikomejibwe bya Bene-Hadada.+
5 Nkatyumuna mikabo ya Damakasa;+Nkonakanya bekadi ba ku Bikate-AvenaNe yewa ubikele* ku Bete-Edena;Kadi bantu ba Shidea bakenda bu misungi ku Kila,”+ i Yehova unena.’
6 Yehova wanena namino amba,‘“Pa mwanda wa butomboki busatu bwa Ngaza,+ ne pa mwanda wa butomboki buná, ami nkikashinta’byopo,Mwanda bayete kibumbo kyonso kya misungi+ bekipāna kudi Edoma.
7 O mwanda nkatuma mudilo pa lubumbu lwa Ngaza,+Nao ukasōka biteba byandi bikomejibwe.
8 Nkonakanya bekadi ba ku Ashedoda,+Ne yewa ubikele* ku Ashekelona;+Nkalamwina kuboko kwami pa Ekalone,+Kadi bene Fidishitia bashele’ko bakafwa,”+ i Mfumu Mwinē Lupusa Lonso Yehova unena.’
9 Yehova wanena namino amba,‘Pa mwanda wa butomboki busatu bwa Tyila,+ ne pa mwanda wa butomboki buná, ami nkikashinta’byopo,Mwanda bapēne kibumbo kyonso kya misungi kudi Edoma,Kadi mwanda kebavulukilepo kipwano kya bana na bana.+
10 O mwanda nkatuma mudilo pa lubumbu lwa Tyila,Nao ukasōka biteba byandi bikomejibwe.’+
11 Yehova wanena namino amba,‘Pa mwanda wa butomboki busatu bwa Edoma,+ ne pa mwanda wa butomboki buná, ami nkikashinta’byopo,Mwanda walondelelondele mwanabo na kipete,+Kadi mwanda wapelele kumufwila lusa;Wibasasamunanga na bulobo pampikwa kukōka,Kadi wibakalabelanga kyaba kyonso.+
12 O mwanda nkatuma mudilo mu Temani,+Nao ukasōka biteba bikomejibwe bya Bozala.’+
13 Yehova wanena namino amba,‘“Pa mwanda wa butomboki busatu bwa bene Amone,+ ne pa mwanda wa butomboki buná, ami nkikashinta’byopo,Mwanda basabile mafu a bana-bakaji ba memi ba Ngileade mwanda wa kubaija ntanda yabo.+
14 O mwanda nkakija mudilo pa lubumbu lwa Laba,+Nao ukasōka biteba byandi bikomejibwe,Na lwanji lwa divita mu difuku dya bulwi,Na luvula lwa malwa mu difuku dya luvula lwa kimpumpu.
15 Kadi mulopwe wabo ukenda bu musungi pamo ne bamfumu bandi,”+ i Yehova unena.’
Kunshi kwa Dyani
^ Ko kushintulula’mba “Kwikala Kiselwa” nansha “Kusela Kiselwa.”
^ Nansha’mba “bibi.”
^ Kishima pa kishima i, “yewa ukwete nkonto.”
^ Kishima pa kishima i, “yewa ukwete nkonto.”
