Amose 2:1-16
2 “Yehova wanena namino amba:
‘“Pa mwanda wa butomboki* busatu bwa Moabu,+ ne pa mwanda wa butomboki buná, ami nkikashinta’byopo,Mwanda aye wasōkele mikupa ya mulopwe wa Edoma pa mwanda wa swakala.
2 O mwanda nkatuma mudilo mu Moabu,Nao ukasōka biteba bikomejibwe bya Kediote;+Moabu ukafwa mu bukata mwa kyungwe,Na lwanji lwa divita, na kuvuma kwa lusengo.+
3 Nkatalula mulopwe* mu bukata mwandiKadi nkepaya bamfumu bandi bonso pamo nandi,”+ i Yehova unena.’
4 Yehova wanena namino amba,‘Pa mwanda wa butomboki busatu bwa Yuda,+ ne pa mwanda wa butomboki buná, ami nkikashinta’byopo,Mwanda bapelele kijila kya* Yehova,Kadi mwanda kebalaminepo misoñanya yandi;+Ino bubela bumo bonka bwalondele bakulutuba babo bubebasāsukija.+
5 O mwanda nkatuma mudilo mu Yuda,Nao ukasōka biteba bikomejibwe bya Yelusalema.’+
6 Yehova wanena namino amba,‘Pa mwanda wa butomboki busatu bwa Isalela,+ ne pa mwanda wa butomboki buná, ami nkikashinta’byopo,Mwanda bapoteje moloke ku ndalama,Ne mulanda ku mukulu umo wa bikwabilo.+
7 Batyampilanga mitwe ya bapēlulwe mu luvumbi lwa panshi,+Kadi bajikanga kashinda ka yewa mwityepeje.+
Muntu ne shandi balāla na mwana-mukaji umo,Bakobakanya dijina dyami dijila.
8 Balālanga kubwipi na kisōkelo kyonso+ pa bivwalwa byobayete bu kyeya kya mapu;+Kadi vinyu yobatoma ku njibo* ya baleza babo beiyete ku boba bobadi batungile mambo.’
9 ‘Ino i ami waonakenye mwine Amole ku meso abo,+Wadi mulampe’nka bwa mityi ya sedele kadi mukomo’nka bwa mityi ya shene;Naonakenye bipa byandi kūlu ne miji yandi panshi.+
10 Nemutambije mu ntanda ya Edipito,+Nemwendeja mu ntanda mutuputupu myaka 40,+Mwanda wa muyate ntanda ya mwine Amole ke yenu.
11 Naimikile benu bana bamo ke bapolofeto,+Ne bansongwalume benu bamo ke bene Nazila.+
Le ke amopo, a bantu ba Isalela?’ i Yehova unena.
12 ‘Ino mwadi mupa bene Nazila vinyu ya kutoma,+Kadi mwasoñenye bapolofeto amba: “Kemufwaninwepo kunena bupolofeto.”+
13 O mwanda nkemusonsakanya mu kifuko kyenu,Monka musonsakenyanga dikalo dyomeke’mo miseke mikete, byobya bidi munshi mwadyo.
14 Yewa wa lubilo kakekalapo na kwa kunyemena,+Yewa mukomo nandi kakalamapo bukomo bwandi,Kadi i kutupu wa bulwi nansha umo ukapandija būmi bwandi.*
15 Muntu wela miketo kakemanapo,Yewa wa maulu a lubilo kakapandepo,Kadi yewa ukandanga pa tubalwe kakapandijapo būmi bwandi.*
16 Nansha ke boba bakankamane bininge* mu bantu ba bulwi,Bakanyema mutaka mu dyodya difuku,’+ i Yehova unena.”
Kunshi kwa Dyani
^ Nansha’mba “bibi.”
^ Kishima pa kishima i, “mutyibi.”
^ Nansha’mba “bulombodi bwa.”
^ Nansha’mba “tempelo.”
^ Nansha’mba “muya wandi.”
^ Nansha’mba “muya wandi.”
^ Nansha’mba “boba ba mityima mikomo.”
