Amose 4:1-13
4 “Ivwanai kino kinenwa, banwe bañombe bakaji ba Bashane,Badi pa lūlu lwa Samadia,+Banwe bana-bakaji badimba boba bapēlulwe+ ne kusonsakanya balanda,Banena babo balume* amba, ‘Mwituselelei bya kutoma!’
2 Mfumu Mwinē Lupusa Lonso Yehova watyipe ne buujila bwandi amba,‘“Talai! mafuku ayānga pomudi kitatyi kyakemutekuna na malobo a mwita wa ntandaNe boba bakashala nabo na malobo a mwita wa lui.
3 Mukatambila pa bipunzu bya lubumbu, muntu ne muntu olokele kumeso swā;Kadi mukelwa ku Halemone,” i Yehova unena.’
4 ‘Iyai ku Betele mujilule,*+Ne ku Ngilengale mujilwile’ko bininge!+
Letai bitapwa byenu+ lubangaNe bya kujikija dikumi* byenu+ mu difuku dya busatu.
5 Sōkai kitapwa kya kufwija’ko kya mikate ya kiyujo;+Elai lubila lwa byamulambu byenu bya kwilanga!
Mwanda ye byomusenswe kulonga, banwe bantu ba Isalela,’ i Mfumu Mwinē Lupusa Lonso Yehova unena.
6 Ino ami, nakendele byakudya mu meno enu* mu bibundi byenu byonsoKadi nalengeje mikate ibulwe mu enu mobo onso;+Ino banwe kemwajokēlepo kondi,’+ i Yehova unena.
7 ‘Nemusuminwe ne mvula myeji isatu kumeso kwa mwangulo;+Nanokeje’ye mu kibundi kimo, ino mu kibundi kikwabo mutupu’ye.
Kapindi kamo ka ntanda kadi na mvula,Ino ku kapindi kakwabo ka ntanda kokwa kekwadipo mvula kadi kōmu.
8 Bantu ba mu bibundi bibidi nansha bisatu badi balundukila ku kibundi kimo mwanda wa kutoma mema,+Kadi kebatondelwe’opo;Ino banwe kemwajokēlepo kondi,’+ i Yehova unena.
9 ‘Nemukupile na kyanga kikomokomo ne mundila.+
Mwavudije madimi enu ne madimi enu a mañanza,Ino njie yadile mityi yenu ya bikuyu ne impafu;+Kadi ne papo pene kemwajokēlepo kondi,’+ i Yehova unena.
10 ‘Natumine mu bukata mwenu kipupo kya misongo enka na kya mu Edipito.+
Naipaile bansongwalume benu+ na kipete ne kukwata tubalwe twenu.+
Nakandije luvumba lubi lwa mu mankambi enu mu myulu yenu;+Ino banwe kemwajokēlepo kondi,’ i Yehova unena.
11 ‘Nalengeje kuponejibwa mu bukata mwenuMonka mobaponejeje Sodoma ne Ngomola+ kudi Leza.
Kadi mwadi pamo bwa lukuni lopolwe mu mudilo;Ino banwe kemwajokēlepo kondi,’+ i Yehova unena.
12 O mwanda nsa kukulonga kino’ki, abe Isalela.
Byonsa kukulonga kino’ki,A Isalela, wilongolole kwitana na Leza obe.
13 Mwanda tala! aye ye Mwine walongele ngulu+ kadi wapangile luvula;+Ulombolanga muntu milangwe Yandi,Walamunanga kibangabanga ke fukutu,+Kadi wendanga pa mitenta ya pa ntanda;+Dijina dyandi i Yehova Leza wa bibumbo.”
Kunshi kwa Dyani
^ Nansha’mba “bamfumwabo.”
^ Nansha’mba “mutomboke.”
^ Nansha’mba “kipindi kimo kya pa bipindi dikumi.”
^ Nansha’mba “nkyemupelepo bidibwa bya kudya.”
