Amose 8:1-14
8 Mfumu Mwinē Lupusa Lonso Yehova wanombwele kino’ki: Tala! Kwadi kilala kya bipa bya ku dikumbi.
2 Ebiya wanena’mba, “A Amose, le ubamone bika?” Nami nalondolola’mba, “Kilala kya bipa bya ku dikumbi.” Penepo Yehova waunena’mba: “Mfulo ya bantu bami bene Isalela ibafika. Nkikebafwilapo monka lusa.+
3 ‘Ñimbo ya ku tempelo ikalamuka ke kuyoyokota miyoa mu dyodya difuku,’+ i Mfumu Mwinē Lupusa Lonso Yehova unena. ‘Kukekala imbidi mingi mifwe konsokonso+—talala nyā!’
4 Ivwanai kino’ki, banwe batyampakanya mulandaNe kufudija boba betyepeje pa ntanda,+
5 Banena’mba, ‘Le masobo a kweji katenta asa kufula kitatyi’ka,+ amba tupoteje miseke yetu,Ne Sabato,+ amba tulambule miseke ya kupoteja?
Mwanda wa tutyepeje kipimo kya efa*Ne kuvudija bulēmi bwa shekele,*Mwanda wa kona bipimo byetu bya bulēmi bya bongojani;+
6 Amba tupote bafudilwe ku ndalamaNe mulanda ku mukulu umo wa bikwabilo,+Ne kupoteja miseke yampikwa mvubu.’
7 Yehova watyipe pa Mitatulo ya Yakoba+ amba,‘Nkikelwapo nansha dimo bilongwa byabo byonso.+
8 Ntanda* ikazakala pa uno mwanda,Kadi mwikadi ense udi’mo ukadila madilo.+
Le keikemanapo ayo yonso pamo bwa Nile,Kutūta ne kushika pamo bwa Nile wa Edipito?’+
9 ‘Mu dyodya difuku,’ i Mfumu Mwinē Lupusa Lonso Yehova unena,‘Nkaponeja dyuba adyo papo dikidi mu mitwe,Kadi nkafītyija ntanda mu dyuba nkelenkele.+
10 Nkalamuna masobo enu ke madilo+Ne ñimbo yenu yonso ke ñimbo ya bulanda.*
Nkavwika bifuka byonso masāka ne kutenda mitwe yonso lupole;Nkedikadija pamo bwa madilo a mwana umo kete,Kadi mfulo yadyo ikekala pamo bwa difuku dibidibi.’
11 ‘Tala! Mafuku āyanga,’ i Mfumu Mwinē Lupusa Lonso Yehova unena,‘Onkatuma kipupo kya nzala mu ntanda,Ke kipupopo kya nzala ya byakudya nansha kyumwa kya mema,Ino i kya kwivwana binenwa bya Yehova.+
12 Bakalundukila ku dijiba dyodi ke dyodi,Kungala ne kutunduka.*
Bakajokoloka bakimba kinenwa kya Yehova, ino kebakekitanapo.
13 Mu dyodya difuku bajike bayampe bakapungila,Ne bansongwalume bene, pa mwanda wa kyumwa;
14 Boba batyipa pa mambo a Samadia,+ banena’mba,“Bine ne leza obe mūmi, abe Dani!”+
Ne amba, “Bine ne dishinda dya Bela-Sheba+ dyūmi!”
Bakapona, kadi kebakemanapo monka.’”+
Kunshi kwa Dyani
^ Tala Mbwejo B14.
^ Tala Mbwejo B14.
^ Nansha’mba “Nshi.”
^ Nansha’mba “ñimbo ya madilo.”
^ Nansha’mba “kutambanga dyuba.”
