Amose 9:1-15
9 Namwene Yehova+ peulu pa kisōkelo, wanena’mba: “Kupila mutwe wa kikomo, nkala ya pa kibelo ikajina. Wibikete ku mutwe, nami nkepaya yewa ushele’ko na kipete. I kutupu nansha umo unyema ukapanda, kadi i kutupu nansha umo ukimba kwipandija ukabwanya.+
2 Shi bakole munshi mu Kibundu,*Kuboko kwami kukebalupula’mo;Kadi shi bakande mūlu,Nkebatūkija’mo.
3 Kadi shi bafyame pa nsongo ya Kalamela,Nkebakimba’ko ne kwibalupula’ko.+
Shi bafyame ku meso ami munshi mwa dijiba,Nkasoñanya nyoka ebasume’mo.
4 Shi abaenda mu bu misungi ku meso a balwana nabo,Nkasoñanya kipete kwine’kwa, nakyo kikebepaya;+Nkebabambila meso mwanda wa kibi, ke mwandapo wa kiyampe.+
5 Mwanda Mfumu Mwinē Lupusa Lonso, Yehova wa bibumbo ye Mwine uteñanga ntanda,*Amba isunguluke,+ kadi bekadi bayo bonso bakadila madilo;+Ayo yonso ikemana pamo bwa Nile,Kadi ikashika pamo bwa Nile wa Edipito.+
6 ‘Yewa ūbakanga nkala yandi mūluNe kushimika kyūbakwa* kyandi peulu pa ntanda;Yewa witanga mema a dijibaMwanda wa kwiapungulwila pa ntanda+—Dijina dyandi i Yehova.’+
7 ‘A bantu ba Isalela, le kemudipo pamo bwa bana ba bene Kusha kondi?’ i Yehova unena.
‘Le nkyatambijepo Isalela mu ntanda ya Edipito,+Ne bene Fidishitia mu Kelete,+ ne Shidea mu Kila?’+
8 Talai! Meso a Mfumu Mwinē Lupusa Lonso Yehova adi pa bulopwe bwa bubi,Kadi ukebutukija pa ntanda.+
Ino nkikatukijapo fututu njibo ya Yakoba,’+ i Yehova unena.
9 ‘Mwanda talai! Nasoñanya,Kadi nkajinya njibo ya Isalela mu bukata mwa mizo yonso,+Pamo bwa muntu unyunga na lunyungo,Pa kubulwa dibwe dya munono dipona pa nshi.
10 Bakafwa ku kipete, babipya-mambo bonso ba bantu bami,Boba banena’mba, “Kyamalwa kekiketufwenapo nansha kwitufikila.”’
11 ‘Mu dyodya difuku nkemika kitanda* kya Davida+ kiponene,Nkalongolola bipunzu,*Ne kulongolola masala akyo;Nkekyubakulula pamo bwa mu mafuku a kala,+
12 Amba bayate kyokya kishele ku Edoma ke kyabo,+Ne mizo yonso ītyilwa’po dijina dyami,’ i Yehova unena, mwine ulonga bino bintu.
13 ‘Talai! Mafuku āyanga,’ i Yehova unena,‘Kidimye ukapeta mwangudi,Yewa uponda mañanza nandi, ukapeta yewa uselele nkunwa;+Kadi ngulu ikasūmija vinyu itobala,+Kadi ikakuka* pa mikuna yonso.+
14 Nkajokeja misungi ya bantu bami bene Isalela,+Nabo bakobakulula bibundi bisalwe ne kwikala’mo;+Bakadima madimi a mañanza ne kutoma vinyu yao,+Kadi bakadima madimi ne kudya bipa byao.’+
15 ‘Nkebakuna mu ntanda yabo,Kebakatukunwapo monkaMu ntanda yabo yonebapa,’+ i Yehova Leza obe unena.”
Kunshi kwa Dyani
^ Nansha’mba “Sheole,” ko kunena’mba, kibundu kya bantu bonso. Tala Nshintulwilo ya Bishima.
^ Nansha’mba “nshi.”
^ Nansha’mba “musaka mujokoloke; kyumba kya panshi.”
^ Nansha’mba “pema; kobo.”
^ Nansha’mba “bipunzu byakyo.”
^ Kishima pa kishima i, “ikasunguluka.”
