Bene Levi 7:1-38
7 “‘Kino’ki kyo kijila kya kyamulambu kya mambo:+ I kintu kijila nakampata.
2 Bakatapa kyamulambu kya mambo pa kifuko pobatapilanga byamulambu bisōkwe, kadi mashi+ akyo akakuswa ku mitamba yonso ya kisōkelo.+
3 Ukaleta māni+ akyo onso, kubadila’mo ne mukila munune, ne māni abumbile ku milá,
4 ne mfyo ibidi ne māni mene adi’ko adi kubwipi na kifuka. Kadi ukatalula ne bilamete ku dityima pamo ne mfyo.+
5 Kitobo ukebisōka pa kisōkelo bu kyamulambu kyelwe na mudilo kudi Yehova.+ I kyamulambu kya mambo.
6 Mwana-mulume ense wa mu babitobo ukadya’kyo,+ kadi kikadīlwa mu kifuko kijila. I kintu kijila+ nakampata.
7 Kijila kya kyamulambu kya bubi kikalondwa ne ku kyamulambu kya mambo; i kya kitobo mwine upūta nakyo bubi.+
8 “‘Shi kitobo kalambwila muntu kyamulambu kisōkwe, kiseba+ kya kyamulambu kisōkwe kyaletelwe kudi kitobo kikekala ke kyandi.
9 “‘Kyamulambu kyonso kya miseke kisōkwe mu fūlu wa mikate nansha kikangwe mu mpanu nansha mu kininga+ i kya kitobo mwine wikileta. Kikekala ke kyandi.+
10 Ino kyamulambu kyonso kya miseke kityangwe na māni+ nansha kyūmu+ kikekala kya bana ba Alone bonso; abo bonso bakeabila’kyo pa bukata.
11 “‘Kino’ki kyo kijila kya kitapwa kya kipwano+ kikaleta muntu kudi Yehova:
12 Shi wekileta bu kilomboji kya kufwija’ko,+ ukekileta pamo ne kitapwa kya kufwija’ko kya mikate yampikwa kiyujo idi bwa ntonto, mityangwe na māni, ne tumikate tupapakane twampikwa kiyujo tutūte’ko māni, ne mikate idi bwa ntonto milongwe na bukula bupēla butyange biyampe kadi busambakanye na māni.
13 Ukaleta kyamulambu kyandi pamo ne mikate idi bwa ntonto ya mu mikate ya kiyujo, ne kitapwa kya kufwija’ko kya bitapwa byandi bya kipwano.
14 Ukaleta’ko kimokimo ku kyamulambu ne kyamulambu bu kipindi kikola kudi Yehova; kikekala kya kitobo mwine ukusa mashi a bitapwa bya kipwano.+
15 Mwita wa kitapwa kya kufwija’ko kya bitapwa byandi bya kipwano ukadibwa mu difuku dyalambula’kyo. Kafwaninwepo kulama’ko umo kufika ne lubanga.+
16 “‘Shi kitapwa kya kyamulambu kyandi i kyamulambu kya mpiko+ nansha kya kwilanga,+ kikadibwa mu difuku dyaleta kitapwa kyandi, kadi byobya bishala’ko nabyo bibwanya kudibwa ne mu difuku dilonda’ko.
17 Ino mwita onso wa kitapwa ukashala’ko mu difuku dya busatu ukasōkwa na mudilo.+
18 Inoko shi mwita wa kitapwa kyandi kya kipwano ubadibwa mu difuku dya busatu, nabya yewa uleta’kyo kaketabijibwapo. Kekikamutelelwapo; i kintu kya munyanji, kadi muntu* udya’kyo ukapebwa mfuto pa kilubo kyandi.+
19 Mwita utenga ku kintu kyo-kyonso kya disubi keukadibwapo. I wa kusōkwa na mudilo. Yewa ense wampikwa disubi ubwanya kudya mwita wampikwa disubi.
20 “‘Ino muntu* ense wa disubi udya mwita wa kitapwa kya kipwano, kya Yehova, yao muntu* ufwaninwe kutyibwa’ko* mu bantu bandi.+
21 Shi muntu* watenga kintu kyo-kyonso kya disubi, kikale kya disubi kya muntu+ nansha nyema wa disubi+ nansha kintu kyo-kyonso kya mukenye kya disubi,+ kupwa wadi ku mwita wa kitapwa kya kipwano, kya Yehova, yao muntu* ufwaninwe kutyibwa’ko* mu bantu bandi.’”
22 Yehova wesamba monka na Mosesa amba:
23 “Lombola bene Isalela amba, ‘Kemufwaninwepo kudya māni+ o-onso a ñombe nansha a mukōko mulume mwana nansha a mbuji.
24 Māni a nyema mwifwile ne māni a nyema mwipaibwe na nyema mukwabo akokeja kwingidijibwa ku bintu bikwabo, ino kemufwaninwepo kudya’o nansha dimo.+
25 Mwanda muntu ense udya māni a nyema waleta bu kyamulambu kyelwe na mudilo kudi Yehova ufwaninwe kutyibwa’ko* mu bantu bandi.
26 “‘Kemufwaninwepo kudya mashi+ o-onso mu bīkalo byenu byonso, ekale a byoni nansha a banyema.
27 Yewa* ense udya mashi o-onso ufwaninwe kutyibwa’ko*+ mu bantu bandi.’”
28 Kadi Yehova wesamba monka na Mosesa amba:
29 “Lombola bene Isalela amba, ‘Muntu ense uleta kitapwa kyandi kya kipwano kudi Yehova, ukaselela Yehova kipindi kya kyamulambu mu kitapwa kyandi kya kipwano.+
30 Ukasela mu makasa andi māni+ pamo ne lukudi* bu kyamulambu kyelwe na mudilo kudi Yehova, kadi ukekipēpeja koku ne koku bu kyamulambu kya kupēpeja+ ku meso a Yehova.
31 Kitobo ukasōka māni pa kisōkelo,+ ino lukudi lukekala lwa Alone ne bandi bana.+
32 “‘Mukapa kitobo kulu kulume bu kipindi kikola mu bitapwa byenu bya kipwano.+
33 Mwanā Alone uleta mashi a bitapwa bya kipwano ne māni ukayata kulu kulume bu kipindi kyandi.+
34 Mwanda nayata lukudi lwa kyamulambu kya kupēpeja ne kulu kwa kipindi kikola mu bitapwa bya kipwano bya bene Isalela, nape’byo Alone kitobo ne bandi bana ke musoñanya wa myaka na myaka ku bene Isalela.+
35 “‘Kino’ki kyo kipindi kya mu byamulambu bya Yehova byelwe na mudilo kyadi kya kutūdila babitobo pafula, mwanda wa Alone ne bandi bana, mu difuku dyaebaletele kwingidila Yehova bu babitobo.+
36 Yehova wasoñenye kwibapa kino kipindi kya bene Isalela mu difuku dyaebashingile māni.+ I kitungo kya nyeke ku nkongo yabo yonso.’”
37 Kino’ki kyo kijila kya kyamulambu kisōkwe,+ ne kyamulambu kya miseke,+ ne kyamulambu kya bubi,+ ne kyamulambu kya mambo,+ ne kitapwa kya pa kutombolwa+ ne kitapwa kya kipwano,+
38 monka mobasoñaninye Mosesa kudi Yehova ku lūlu lwa Shinai+ mu difuku dyaasoñenye bene Isalela kuletela Yehova byamulambu byabo mu ntanda mutuputupu ya Shinai.+
Kunshi kwa Dyani
^ Nansha’mba “muya.”
^ Nansha’mba “muya.”
^ Nansha’mba “muya.”
^ Nansha’mba “kwipaibwa.”
^ Nansha’mba “kwipaibwa.”
^ Nansha’mba “muya.”
^ Nansha’mba “muya.”
^ Nansha’mba “kwipaibwa.”
^ Nansha’mba “muya onso.”
^ Nansha’mba “kwipaibwa.”
^ Nansha’mba “lwidi.”
