Divilu 27:1-21
27 “Ukalonga kisōkelo kya mutyi wa akashia;+ kikekala na maboko* atano mu bula ne maboko atano mu bunkimbwa. Kisōkelo kifwaninwe kwikala na mitamba iná ya bula bumo ne maboko asatu mu bwimwa.+
2 Ukalonga masengo+ ku mafinko akyo aná; masengo akekala kipindi kya ku kisōkelo, kadi ukalamika mukuba+ ku kisōkelo.
3 Ukalonga mambeketyi mwanda wa kōlola buto* bwakyo, pamo ne bipawa, ne ngeso, ne nkanya, ne bininga bya mudilo, kadi bipungwa byakyo byonso ukebilonga bya mukuba.+
4 Ukalongela kisōkelo seketa, nsambo misuke ya mukuba, kadi ku nsambo misuke’kwa nako nzenze iná ya mukuba ku mafinko aná.
5 Ukamwela munshi mwa mulomo wa kisōkelo, kadi nsambo misuke’ya ikatūkila dya pa bukata mu kisōkelo.
6 Ukalongela kisōkelo mitembo ya mutyi wa akashia ne kulamika’ko mukuba.
7 Mitembo ikakujibwa mu nzenze mwanda wa mitembo ikale mu mbavu ibidi ya kisōkelo shi ke kwikisela.+
8 Ukalonga kisōkelo bwa sanduku wa mbao udi pululu. Kifwaninwe kulongwa monka mwawakulombwedile’kyo mu lūlu.+
9 “Ukalonga kipango+ kya kipema. Dya kunshi, mutamba wa kunshi, kipango kikekala na mampashila ayela a bukonge bulumbuluke bujinge, a bula bwa maboko 100 mutamba umo.+
10 Kikekala na bikomo 20 ne bitako 20 bya mapuki bya mukuba. Malobo a bikomo ne bikwatyijo* byabyo i bya ndalama.
11 Mampashila ayela ku mutamba wa kungala nao akekala na bula bwa maboko 100, pamo ne bikomo byao 20 ne bitako byao 20 bya mapuki bya mukuba, pamo ne malobo ne bikwatyijo* bya ndalama bya bikomo.
12 Kufwaninwe kwikala mampashila ayela mutamba wa kushika a maboko 50 mu bunkimbwa bwa kipango, ne bikomo dikumi ne bitako dikumi bya mapuki.
13 Bunkimbwa bwa kipango mutamba wa kutunduka dya kutambanga dyuba i maboko 50.
14 Ku mutamba umo kukekala maboko 15 a mampashila ayela, ne bikomo bisatu ne bitako bisatu bya mapuki.+
15 Kadi mutamba mukwabo nao, kukekala maboko 15 a mampashila ayela, ne bikomo bisatu ne bitako bisatu bya mapuki.
16 “Kibelo kya ku kipango kifwaninwe kwikala na kya kukinga’ko* kya bula bwa maboko 20 kilongwe na nyushi ifītuluka, ne myoya ityilakana, ne bityila pyā, ne bukonge bulumbuluke bujinge bisukile pamo,+ ne bikomo biná ne bitako byabyo biná bya mapuki.+
17 Bikomo byonso bya kujokoloka kipango bikekala na bya kukwatyija nabyo bya ndalama ne malobo mene, ino bitako byabyo bya mapuki bikekala bya mukuba.+
18 Kipango kifwaninwe kwikala na maboko 100 mu bula,+ ne maboko 50 mu bunkimbwa, ne maboko 5 mu bwimwa, kilongwe na bukonge bulumbuluke bujinge, kadi kifwaninwe kwikala na bitako bya mapuki bya mukuba.
19 Bipungwa ne bintu byonso bikengidijibwa mu kipema, pamo ne bikomo bya pema wakyo ne bikomo byonso bya kipango, bikekala bya mukuba.+
20 “Ukasoñanya bene Isalela bakuletele māni onkaonka a mpafu miponde mwanda wa kitōkeji, mwa kulamina binanu bitēma kyaba kyonso.+
21 Mu pema wa kubungakena’ko, panja pa mpashila idi kubwipi na Bukamoni,+ Alone ne bandi bana bana-balume bakalongolola mwa kulamina binanu byake ku meso a Yehova+ tamba kyolwa kufika ne lubanga. I kitungo kya myaka na myaka kikalamibwa na bene Isalela+ mu nkongo yabo yonso.
Kunshi kwa Dyani
^ Kuboko kumo i masantimetele 44,5. Tala Mbwejo B14.
^ Nansha’mba “buto bwa māni,” ko kunena’mba, buto busūmine’ko māni a bitapwa.
^ Nansha’mba “nzenze; nkano” bya kukwatyija nabyo.
^ Nansha’mba “nzenze; nkano” bya kukwatyija nabyo.
^ Nansha’mba “mpashila.”
