Ezekyele 15:1-8
-
Yelusalema, muñanza wa bitupu (1-8)
15 Kinenwa kya Yehova kyaiya monka kondi amba:
2 “Mwanā muntu, le mutyi wa muñanza udingakene namani na mutyi mukwabo onso nansha na musambo wa mityi ya mu ditó?
3 Le mutyi wao ubwanya kwingidijibwa ku mwingilo? Nansha, le babwanya kupunga nao kipopo kwa kuyeyeka bipungwa?
4 Tala! Ao welwanga mu mudilo bu lukuni, kadi mudilo ulotejanga mafulo ao onso abidi ne kusōka pa bukata. Le pano ubwanya kukwasha ku mwingilo kampanda?
5 Nansha powadi mutuntulu, kewadipo ubwanya kwingidijibwa nansha dimo. Shi mudilo ubeuloteja ne kwiusōka po pene, keukekalapo na kamweno!”
6 “O mwanda Mfumu Mwinē Lupusa Lonso Yehova wanena namino amba: ‘Pamo’nka bwa mutyi wa muñanza mu bukata mwa mityi ya mu ditó, onapāna bu lukuni lwa kwakija nalo mudilo, ye monkalongela bekadi ba Yelusalema.+
7 Natadidija mpala yami pobadi. Abapande ku mudilo, ino’nka mudilo ukebaloteja. Penepo mukayuka’mba ami ne Yehova shi natadija mpala yami pobadi.’”+
8 “‘Kadi ami nkasala ntanda’ya+ mwanda abalonga bintu pampikwa kikōkeji,’+ i Mfumu Mwinē Lupusa Lonso Yehova unena.”
