Ezekyele 19:1-14
-
Lwimbo lwa bulanda pa bamfumu ba Isalela (1-14)
19 “Ukembila bamfumu ba Isalela lwimbo lwa bulanda*
2 amba,‘Le inobe wadi ani? Wadi ntambo mukaji mu bantambo.
Ulēle mu bantambo bana* ba bukomo kadi ulelele twandi twana.
3 Watamije kana kamo mu twandi twana, kaikala ke ntambo mwana wa bukomo.+
Wefunda mwa kusasamwina kikwatwa,Wabokota’nka ne bantu.
4 Mizo yaivwene yandi myanda, yamukwata mu lubao lwayo,Kadi yamuselela ku ntanda ya Edipito na malobo.+
5 Wailaije ne kumona mwenda mafuku amba i kutupu lukulupilo lwa aye kujoka.
Penepo wayata kandi kana kakwabo wekatuma bu ntambo mwana wa bukomo.
6 Nandi wanangakene mu bantambo, waikala ke ntambo mwana wa bukomo.
Wefundile mwa kusasamwina kikwatwa, kadi wabokota’nka ne bantu.+
7 Wajokolokele mu biteba byabo bikomejibwe, wasala bibundi byabo,Penepa ntanda misalwe yayula lunwa lwa kubuluma kwandi.+
8 Mizo ya ku bipindi bya ntanda bimujokolokele yamwiila mwanda wa kumuta bukonde,Kadi wapya mu lubao lwayo.
9 Bamwelele mu kisapala na malobo, baenda nandi kudi mulopwe wa Babiloni.
Kwine’kwa bamukuta, amba diwi dyandi dileke kwivwanikwa monka pa ngulu ya Isalela.
10 Inobe wadi pamo bwa muñanza+ mu mashi obe,* mukunwe ku mema.
Wadi upa bipa kadi wadi muyule misambo pa mwanda wa mema mangimangi.
11 Watandabwile misambo* mikomo, ibwanya kwikala mankonto a balopwe.
Watama ne kulepa bininge kupita mityi mikwabo,Kadi wamweka pa mwanda wa bula bwao ne pa mwanda wa bungibungi bwa mani ao.
12 Ino watukwinwe na bukalabale+ ne kwelwa panshi,Kivula kya kutunduka kyaumija bipa byandi.
Misambo yandi mikomo yatētelwe ne kūma,+ mudilo nao weiloteja.+
13 Pano i mukunwe mu ntanda mutuputupu,Mu ntanda myūmu, yampikwa mema.+
14 Mudilo wasambakene ku misambo* yandi, waloteja ntonga yandi ne bipa byandi,Kekwashelepo musambo mukomo nansha umo, nansha nkonto mwanda wa kubikala.+
“‘Luno’lu i lwimbo lwa bulanda, kadi lukekala lwimbo lwa bulanda.’”
Kunshi kwa Dyani
^ Nansha’mba “lwimbo lwa madilo.”
^ Nansha’mba “mu bantambo bana ba manyenze.”
^ Bibwanika padi i, “pamo bwa muñanza mu budimi bobe bwa mañanza.”
^ Nansha’mba “mikombo.”
^ Nansha’mba “mikombo.”
