Ezela 10:1-44
10 Ezela paadi ulombela+ ne kusapula bubi, udila koku ulēle wivukwila ku meso a njibo ya Leza wa bine, kibumbo kikatampe kya Isalela kya bana-balume, ne bana-bakaji, ne bana kyamujokoloka, mwanda bantu badi badila bibibibi.
2 Penepo Shekania mwanā Yehiele+ wa ku bana ba Elama+ wanena Ezela amba: “Twi balonge bintu pampikwa kikōkeji kudi Leza wetu pa kusonga* bana-bakaji beni mu bantu ba ntanda.+ Nansha nankyo, kukidi lukulupilo kudi Isalela.
3 Shi ke pano longa tusambe kipwano na Leza wetu,+ tupange bakaji bonso ne boba bonso bobabutwile, mungya bwendeji bwa Yehova ne bwa boba balēmekele bininge* mbila ya Leza wetu.+ Tulongei mungya Bijila.
4 Imana, mwanda uno mwanda ukutala, kadi batwe netu tudi nobe. Wikomeje, ulonge’po kintu.”
5 Ponkapo Ezela waimana, watyipija bakata ba babitobo, bene Levi, ne Isalela ense mutyipo wa kulonga byobya byanenenwe.+ Nabo batyipa.
6 Ebiya Ezela wataluka ku meso a njibo ya Leza wa bine, waenda ku kyumba* kya Yehohanana mwanā Ediashibi. Nansha byawaendele’ko, kadilepo byakudya nansha kutoma mema kwine, ke-pantu wadi mu madilo pa mwanda wa kubulwa kikōkeji kwa bantu baselelwe bu misungi.+
7 Penepo baela lubila mu Yuda ne mu Yelusalema ense amba boba bonso badi bu misungi dibajinji bebungile ku Yelusalema;
8 kadi mungya butyibi bwa bamfumu ne bakulumpe, muntu ense kailepo mu mafuku asatu wadi wa kuyatwa* bintu byandi byonso, kadi wadi wa kupangwa mu kipwilo kya bantu baselelwe bu misungi.+
9 Ebiya bantu bonso ba Yuda ne Benjemani bebungila ku Yelusalema mu mafuku asatu, ko kunena’mba, mu kweji wa kitema, mu difuku dya 20 dya kweji’wa. Bantu bonso badi bashikete mu kipango kya njibo ya Leza wa bine bazakala pangala pa uno mwanda ne pa mwanda wa mvula mukatampe.
10 Penepo Ezela kitobo waimana kaebanena’mba: “Mubalonga bintu pampikwa kikōkeji pa kusonga bana-bakaji beni,+ kadi mubabweja’ko mambo a Isalela.
11 Shi ke pano mwisapulei bubi kudi Yehova Leza wa bakulutuba benu mulonge kiswa-mutyima kyandi. Sansanai na bantu ba ntanda ne na bano bakaji beni.”+
12 Penepo kipwilo kyonso kyalondolola na diwi dikatampe amba: “Tusa kulonga enka mowanenena’mo.
13 Inoko kudi bantu bavule, kadi i kitatyi kya mvula. Kebibwanikapo kwimana panja, kadi uno mwanda keusapo kulonga difuku dimo nansha abidi kete, mwanda twi batomboke bininge mu uno mwanda.
14 Shi ke pano, tubakwisāshila, bamfumu betu bemanine kipwilo kyonso;+ kadi boba bonso ba mu bibundi byetu basongele bana-bakaji beni bāye pa kitatyi kitungwe, pamo ne bakulumpe ne batyibi ba kibundi ne kibundi, enka ne byotutalaja bulobo budyendyemuka bwa Leza wetu pangala pa uno mwanda.”
15 Ino, Yonafane mwanā Asahele ne Yahazeia mwanā Tikeva bapela kino, kadi bene Levi ba Meshulama ne Shebetai+ bebetabila.
16 Ino boba badi bu misungi dibajinji balonga byobya byeivwanikilwe; kadi Ezela kitobo ne mitwe ya bisaka ya mobo a bashabo, bonso batelelwe pa majina, beivwanika pafula mu difuku dibajinji dya kweji wa dikumi kubandaula uno mwanda;
17 ebiya mu difuku dibajinji dya kweji mubajinji bapwa kubandaula bana-balume bonso basongele bana-bakaji beni.
18 Basokola’mba bana bamo ba babitobo badi basonge bana-bakaji beni:+ ku bana ba Yeshua+ mwanā Yehozadake ne banababo: Maaseya, Ediezela, Yadibe, ne Ngedadia.
19 Ino balaile* kupanga babo bakaji, kadi byobadi bapye mambo, badi ba kulambula mukōko mulume wa mu luombe mwanda wa mambo abo.+
20 Ku bana ba Imele,+ kwadi Hanani ne Zebadia;
21 ku bana ba Hadime+ nako: Maaseya, Ediya, Shemaia, Yehiele, ne Uzia;
22 ku bana ba Pashula+ nako: Edioenai, Maaseya, Ishemele, Netanele, Yozabada, ne Eleasa.
23 Kadi ku bene Levi, kwadi Yozabada, Shimei, Kelaya, (ko kunena’mba, Kedita), Petahia, Yuda, ne Ediezela;
24 ku batuimba nako, Ediashibi; ku batulama ba ku kibelo nako: Shalumu, Teleme, ne Udi.
25 Kadi ku Isalela, ku bana ba Paloshi,+ kwadi Lamia, Izia, Malekiya, Miyamini, Eleaza, Malekiya, ne Benaya;
26 ku bana ba Elama+ nako: Matania, Zekadia, Yehiele,+ Abedi, Yelemote, ne Ediya;
27 ku bana ba Zatu+ nako: Edioenai, Ediashibi, Matania, Yelemote, Zabada, ne Aziza;
28 ku bana ba Bebai+ nako: Yehohanana, Hanania, Zabai, ne Atalai;
29 ku bana ba Bani nako: Meshulama, Maluke, Adaya, Yashuba, Sheale, ne Yelemote;
30 ku bana ba Pahata-Moabu+ nako: Adena, Kelale, Benaya, Maaseya, Matania, Bezalela, Binui, ne Manase;
31 ku bana ba Hadime+ nako: Ediezela, Ishiya, Malekiya,+ Shemaia, Shimeona,
32 Benjemani, Maluke, ne Shemadia;
33 ku bana ba Hashuma:+ Matenai, Matāta, Zabada, Edifelete, Yelemai, Manase, ne Shimei;
34 ku bana ba Bani: Maadai, Amalama, Uele,
35 Benaya, Bedeia, Keluhi,
36 Vania, Melemote, Ediashibi,
37 Matania, Matenai, ne Yasu;
38 ku bana ba Binui nako: Shimei,
39 Shelemia, Natana, Adaya,
40 Makenadebai, Shashai, Shalai,
41 Azalela, Shelemia, Shemadia,
42 Shalumu, Amadia, ne Yosefa;
43 ku bana ba Nebo nako: Yeiele, Matitia, Zabada, Zebina, Yadai, Yoela, ne Benaya.
44 Bano bonso badi basonge bakaji beni,+ ebiya bapanga babo bakaji, pamo ne babo bana bene.+
Kunshi kwa Dyani
^ Nansha’mba “pa kuselela mu mobo etu.”
^ Kishima pa kishima i, “bazakala.”
^ Nansha’mba “mu njibo ya kudīla’mo.”
^ Nansha’mba “kukankajibwa.”
^ Kishima pa kishima i, “baletele abo makasa.”
