Habakuka 2:1-20
2 Nkemananga nyeke ku kifuko kyami kya bu mulami,+Kadi nkemananga pa dibunda.
Nkatalanga’mba mone byakesamba kupityila kondiNe byonkalondolola ponkadingilwa.
2 Penepo Yehova wanondolola’mba:
“Lemba kimonwa, lemba’kyo biyampe pa bipāpo,+Amba yewa utanga’kyo na diwi dikatampe apēlelwe kutanga’kyo.*+
3 Mwanda kimonwa kikidi kya mu kitatyi kyakyo kitungwe,Kadi kyendanga lubilo ku mfulo yakyo,* kekikabepapo.
Nansha shi kibaije,* kungila’kyo!*+
Mwanda kikafikidila binebine.
Kekikejepo!
4 Talai yewa wa mitatulo;*Ke molokepo swā munda mwandi.
Ino moloke ukekalanga mūmi pa kikōkeji kyandi.*+
5 Bine, vinyu byoidi ndalandala,Muntu wa kibengo kakafikidijapo kitungo kyandi.
Ubaijanga nzala yandi* pamo bwa Kibundu;*Udi pamo bwa lufu kadi kabwanyapo kwikuta.
Ukongakanyanga nyeke mizo yonsoNe kwibungila bantu bonso.+
6 Le bano bonso kebakamwelapo lukindi, ne lushintyi, ne kumutyonkela ntyonko?+
Bakanena’mba:
‘Malwa andi yewa ungwija bintu ke byandipo—Mwanda le i kufika ne kitatyi’ka?—Kadi uvudija’nka ne mapu andi!
7 Mwene boba bakwapuja bakemana mu kitulumukila?
Bakabūka ne kukusunkanya bibibibi,Kadi ukekala kobadi bu kintu kya kutūtwa.+
8 Byowatūtyile mizo mingi,Bantu bonso bashele’ko bakakutūta,+Pa mwanda wa mashi a bantu omwangileNe lūma lobe ku ntanda,Ku bibundi ne ku boba bekele’mo.+
9 Malwa andi yewa umwena mu bibi mwanda wa njibo yandi,Amba atūle bunswa bwandi peulu,Mwanda wa kunyema kyamalwa kyakamukwata!
10 Ubakute kitumba kya kufwija njibo yobe bumvu.
Ubepi* mambo abe mwine pa kukubija bantu bavule.+
11 Mwanda dibwe dikadila ku lubumbu,Kadi mukabo ukedilondolola ku kipungwa kya mutyi.
12 Malwa andi yewa ūbaka kibundi na kumwanga mashi,Ne kushimika kibundi na bukondame!
13 Tala! Mwene i Yehova wa bibumbo ulengeja bantu bengile bininge mwanda wa kudisha mudilo,Ne mizo ikōkeje bya bitupu?+
14 Mwanda ntanda ikayula buyuki bwa ntumbo ya YehovaPamo bwa mema apūta dijiba.+
15 Malwa andi yewa upa bakwabo bya kutoma,Ubweja’ko bukalabale ne bulobo, mwanda wa bakolwe,Amba atale mutaka wabo!
16 Abe ukayulwa kafutululo pa kyaba kya ntumbo.
Abe nobe—toma ne kulombola patōka kubulwa kutwejibwa kwisao kobe.*
Kitomeno kidi mu kuboko kwa lundyo kwa Yehova kikakujokoloka,+Kadi bumvu bukapūta ntumbo yobe;
17 Mwanda lūma lwalwilwe Lebanona lukakupūta,Kadi bonakani bwazakeje banyema bukakwiila,Pa mwanda wa mashi a bantu omwangileNe lūma lobe ku ntanda,Ku bibundi ne ku boba bekele’mo.+
18 Le nkishi musōnge udi na kamweno’kaAye papo musōngwe na yewa wamulongele?
Le nkishi wa kyuma* kadi mufundiji wa bubela udi na kamweno’ka,Nansha shi mwine wamulongele umukulupile,Ulonga baleza ba bitupu kebabwanyapo kwisamba?+
19 Malwa andi yewa unena kipindi kya mutyi amba, “Languka!”
Nansha dibwe kedibwanyapo kwisamba’mba, “Imana! Witufundije!”
Tala! I kulamike olo* ne ndalama,+Kadi munda mwandi i mutupu umpuya.+
20 Ino Yehova udi mu tempelo yandi ijila.+
A ntanda yonso, ikala talala ku meso andi!’”+
Kunshi kwa Dyani
^ Nansha’mba “atange’kyo pampikwa kushishikita.”
^ Nansha’mba “ku kufikidila kwakyo.”
^ Nansha’mba “shi kimweka bu kibaije.”
^ Nansha’mba “kunga’kyo na kipyupyu!”
^ Nansha’mba “Talai! Muya wandi i muyule.”
^ Bibwanika padi i, “lwitabijo lwandi; lukulupilo lwandi.”
^ Nansha’mba “muya wandi.”
^ Nansha’mba “Sheole,” ko kunena’mba, kibundu kya bantu bonso. Tala Nshintulwilo ya Bishima.
^ Nansha’mba “Ubapi muya obe.”
^ Bibwanika padi i, “ne kulunduka.”
^ Nansha’mba “nkishi musungululwe.”
^ Nansha’mba “nsahabu.”
