Hosea 1:1-11
1 Kinenwa kya Yehova kyaile kudi Hosea* mwanā Beedi mu mafuku a Uzia,+ Yotama,+ Ahaza+ ne Hezekia,+ balopwe ba Yuda,+ ne mu mafuku a Yeloboame+ mwanā Yoashe,+ mulopwe wa Isalela.
2 Yehova pa kunena kinenwa kyandi kupityila kudi Hosea, Yehova wanena Hosea amba: “Enda, kasonge mwana-mukaji wa busekese,* ikala na bana ba mu busekese,* mwanda ntanda ibaleka kulonda Yehova+ pa mwanda wa busekese.”*
3 Penepo waenda, wasonga Ngomela mwanā Debelaimi, nandi waimita, wamubutwila mwana mwana-mulume.
4 Ebiya Yehova wamunena’mba: “Mwinike bu Yezelele,* mwanda mu kitatyi kityetye nkanena njibo ya Yehu+ īshintulwile pa bilongwa bya kumwanga mashi bya Yezelele, kadi nkafudija bulopwe bwa njibo ya Isalela.+
5 Mu dine difuku’dya nkatyumuna buta bwa miketo bwa Isalela mu Musanza* wa Yezelele.”
6 Waimita monka, wabutula mwana mwana-mukaji. Kadi Leza wasapwila Hosea amba: “Mwinike bu Lo-Luhama* mwanda nkikafwilapo monka njibo ya Isalela lusa,+ ke-pantu binebine nkebapanga.+
7 Ino nkafwila njibo ya Yuda+ lusa, kadi nkebapandija na Yehova Leza wabo;+ nkikebapandijapo na buta bwa miketo nansha na kipete nansha na divita nansha na tubalwe, nansha na bakandanga pa tubalwe.”+
8 Aye pa kulekesha Lo-Luhama, waimita, wabutula mwana mwana-mulume.
9 Kupwa Leza wanena’mba: “Mwinike bu Lo-Ami* mwanda ke mwi bantu bamipo, kadi nami nkikekalapo wenu.
10 “Kadi bungi bwa bantu* ba Isalela bukekala pamo bwa musenga wa dijiba keubwanyapo kupimwa nansha kubalwa.+ Kadi pa kifuko pobebanenene amba, ‘Ke mwi bantu bamipo,’+ bakebanena’mba, ‘Bana ba Leza mūmi.’+
11 Kadi bantu ba Yuda ne ba Isalela, bakakongakanibwa mu bumo,+ kadi baketongela mutwe ne kutamba mu ntanda’ya, mwanda difuku dya Yezelele+ dikekala dikatampe.
Kunshi kwa Dyani
^ Dijina Hoshaia mu kīpi, dishintulula’mba “Mupandijibwe na Yah; Yah Wapandija.”
^ Nansha’mba “bundumba; buenda.”
^ Nansha’mba “bundumba; buenda.”
^ Nansha’mba “bundumba; buenda.”
^ Ko kushintulula’mba “Leza Ukakuna Nkunwa.”
^ Nansha’mba “Dilungu dya Musanza.”
^ Ko kushintulula’mba “Kafwidilwepo Lusa.”
^ Ko kushintulula’mba “Ke Bantu Bamipo.”
^ Kishima pa kishima i, “bana bana-balume.”
