Hosea 10:1-15
10 “Isalela i muñanza moneke* upa bipa.+
Bipa byandi pa kuvula, po pene nandi wavudija bisōkelo byandi;+Ntanda yandi pa kulupula bintu bilumbuluke, po pene bikomo byandi bikola nabyo byaikala bya buya bwa dyangi.+
2 Mutyima wabo i wa buzazangi;*Pano basa kupya mambo.
Kudi muntu ukatyumuna bisōkelo byabo ne konakanya bikomo byabo.
3 Ino bakanena’mba, ‘Ketudipo na mulopwe,+ mwanda ketwakaminwepo Yehova.
Le mulopwe uketulongela bika?’
4 Besambanga binenwa bya bitupu, batyipa bya bubela,+ ne kusamba bipwano;O mwanda butyibi butamba’ko budi pamo bwa biyombo bya bulembe mu minkolankola ya mu ntanda.+
5 Bekadi ba Samadia bakatyina kilezaleza kya kyana kya ñombe kya Bete-Avena.+
Bantu bandi bakekidila madilo,Enka bwa babitobo ba baleza beni bekisangedile akyo ne ntumbo yakyo,Mwanda kikebayatwa ne kwenda’kyo mu bu musungi.
6 Kikaselelwa ku Ashidia bu kyabuntu kya mulopwe mukatampe.+
Efelaimi ukafwijibwa bumvu,Kadi Isalela ukafwa bumvu pa mwanda wa madingi aalondele.+
7 Samadia ne mulopwe wandi bakepaibwa* binebine,+Pamo bwa musambo muposolwe udi pa mema.
8 Mitenta ya Bete-Avena,+ bubi bwa Isalela,+ ikatukijibwa fututu.+
Miba ne pimbye bikamena pa bisōkelo byabo.+
Bantu bakanena ngulu amba, ‘Mwitupūtei!’
Ne mikuna nayo amba, ‘Mwituponenei!’+
9 Tamba mu mafuku a Ngibea, ubalonga bubi,+ abe Isalela.
Baendelele kulonga’bo kwine’kwa.
Divita kedyapetelepo* bana ba bukondame mu Ngibea.
10 Kadi nkebalemununa ponkasaka.
Bantu bakabungwa mwanda wa kulwa nabo,Pobakakutyilwa bilubo byabo bibidi.*
11 Efelaimi wadi ñombe mufundijibwe usenswe kupūla,O mwanda nalekele nshingo yandi miyampe.
Pano nkakandija muntu umo pa* Efelaimi.+
Yuda ukadima; Yakoba nandi ukamutyimpwila.
12 Kunai nkunwa na boloke, mwangule buswe bwa ndamatyidile.
Dimai ntanda idimwa’mo+Pano pokukidi kitatyi kya kukimba Yehova,+Kufika ne byaiya ne byaemufundija boloke.+
13 Ino mubadima bubi,Mubaangula bukondame,+Kadi mubadi bipa bya bongojani;Mwanda mubakulupila dishinda dyenu,Bantu benu ba bulwi bangibangi.
14 Kyungwe kikatūtyilwa bantu bobe,Kadi bibundi byobe bikomejibwe bikasalwa byonso,+Monka mwasadīlwe njibo ya Alebele na Shalemane,Mu difuku dya bulwi, kitatyi kyasonsakanibwe bisesobiseso bainabana pamo na babo bana.
15 A Betele,+ bino’bi e byobakemulonga pa mwanda wa bubi bwenu bukatampe.
Binebine, mulopwe wa Isalela ukepaibwa* lubanga bwē.”+
Kunshi kwa Dyani
^ Bibwanika padi i, “mwale.”
^ Nansha’mba “budimbidimbi; lushiñanya.”
^ Kishima pa kishima i, “bakatalajibwa.”
^ Nansha’mba “kedyaonakenyepo fututu.”
^ Ko kunena’mba, pobakasela mfuto yabo pamo bwa lupungu.
^ Nansha’mba “nkaleka muntu umo akute.”
^ Kishima pa kishima i, “ukatalajibwa.”
