Hosea 12:1-14
12 “Efelaimi udyanga kivula.
Ulondanga kivula kya kutunduka lubilo difuku dyonso dituntulu.
Wavudija bubela ne lūma.
Abasamba kipwano na Ashidia+ ne kuselela māni ku Edipito.+
2 Yehova udi na kisambo na Yuda;+Uketa Yakoba eshintulwile mwendele mashinda andi,Kadi ukamulubwila mwendele bilongwa byandi.+
3 Munda, wakwete mwanabo ku kapondo,+Kadi walwile na Leza na bukomo bwandi.+
4 Walwile’nka kulwa na mwikeulu, wanekenya.
Wadila ne kumwisāshila amutōkelwe mutyima.”+
Wamutene ku Betele, kadi Wesambile netu kwine’kwa,+
5 Yehova Leza wa bibumbo,+Yehova i dijina dyandi dya kivulukilo.*+
6 “O mwanda jokela kudi Leza obe,+Lama buswe bwa ndamatyidile ne boloke,+Kadi kulupila Leza obe nyeke.
7 Ino mu kuboko kwa nsunga mudi bipimo bya bulēmi bya bongojani;Usenswe kudimba.+
8 Efelaimi unenanga’nka kunena’mba, ‘Bine, napeta;+Nasokola bupeta.+
Kadi mu mingilo yami yonso, kebakatana’mopo kintu kibi nansha bubi.’
9 Ino ami ne Yehova Leza obe tamba* ku ntanda ya Edipito.+
Nkakushikatyija monka mu mapemaPamo’nka bwa mu mafuku a kitatyi kitungwe.*
10 Nesambile na bapolofeto,+Navudije bimonwa byabo,Kadi nesambile mu nkindi kupityila kudi bapolofeto.
11 Kwadi bongojani*+ ne bubela ku Ngileade.
Mu Ngilengale abalambula’mo bitapwa bya bañombe,+Kadi bisōkelo byabo bidi pamo bwa milwi ya mabwe mu minkolankola ya budimi.+
12 Yakoba wanyemēne ku ntanda* ya Alami;*+Isalela+ waingile’ko mwanda wa mukaji,+Kadi walamine mikōko mwanda wa mukaji.+
13 Yehova watambije Isalela mu Edipito na mupolofeto,+Kadi walaminwe na mupolofeto.+
14 Efelaimi wasanshija bininge;+Mambo andi a mashi adi nyeke pādi;Mfumwandi ukamulubwila mwanda wa mutonko wandi.”+
Kunshi kwa Dyani
^ Nansha’mba “i dijina dyavulukilwa’po.”
^ Bibwanika padi i, “masobo.”
^ Nansha’mba “kushilwila.”
^ Nansha’mba “bya maleñanya; bya majende.”
^ Kishima pa kishima i, “budimi.”
^ Nansha’mba “Shidea.”
