Hosea 13:1-16
13 “Efelaimi pawesambile, kwadi kuzakala;Wadi mutumbe mu Isalela.+
Ino wapya mambo pa mwanda wa Bāla,+ ne kufwa wafwa.
2 Pano abavudija bubi bwaboKadi abalonga bankishi ba byuma* na ndalama yabo;+Abalonga na bwino bilezaleza, mingilo yonso ya basendwe.
Kebebinena’mba, ‘Bantu balambula bitapwa bafifye byana bya bañombe.’+
3 O mwanda bakekala pamo bwa makumbi a lubanga,Pamo bwa lumé lukupuka bukidibukidi,Pamo bwa mfumba ipepulwa na kimpumpu pa kipūdilo,Ne pamo bwa mwishi utambila pa kipunzu kya musaka.
4 Ino ami ne Yehova Leza obe tamba* ku ntanda ya Edipito;+Kwayukilepo Leza mukwabo poso’nka ami,Kadi i kutupu umpandiji poso’nka ami.+
5 Nakuyukile mu ntanda mutuputupu,+ mu ntanda ya mulanga.
6 Baikwite madyo abo,+Baikwite, kadi mutyima wabo wetatula.
Penepa baungilwa.+
7 Nkekala pamo bwa ntambo mwana kobadi,+Pamo bwa ngé utengele kufula kwa dishinda.
8 Nkāya pobadi pamo bwa uluse wajimija twandi twana,Kadi nkasana kyabo kyadi.*
Nkebabokota pamo bwa ntambo kwine’kwa;Nyema wa ntanda ukebasasamuna bisesobiseso.
9 Ukakonakanya, a Isalela,Mwanda wangalamukile, waalamukile mukwashi obe.
10 Le penepo, mulopwe obe udi kwepi, amba akupandije mu bibundi byobe byonso,+Ne baledi* bobe, bowanenene amba,‘Mpe mulopwe ne bamfumu’?+
11 Nakupele mulopwe na bulobo,+Kadi nkamutalula na bukalabale.+
12 Kilubo kya Efelaimi i kivungwe;*Bubi bwandi i bubīkwe.
13 Bisanso bya lubutulo bikamwiila.
Ino aye i mwana wampikwa tunangu;Kāyangapo kitatyi kya kubutulwa.
14 Nkebakūla ku bukomo bwa Kibundu;*Nkebapandija ku lufu.+
A Lufu, le nonga yobe idi kwepi?+
A Kibundu, le kyonakanya kyobe kidi kwepi?+
Lusalusa lukafibwa ku meso ami.
15 Nansha shi wavwambila mu mabungu,Kivula kya kutunduka kikāya, kivula kya Yehova,Kikatamba mu ntanda mutuputupu, kūmija mushimwa wandi ne kukamija nsulo yandi ya mema.
Aye’wa ukatūta byabulēme bya mu bintu byandi byonso bilēme.+
16 Samadia ukapya mambo,+ mwanda watombokela Leza wandi.+
Bakapona ku kipete,+Babo bana bakasonsakanibwa bisesobiseso,Kadi bana-bakaji babo ba memi bakasabwa mafu.”
Kunshi kwa Dyani
^ Nansha’mba “bankishi basungululwe.”
^ Nansha’mba “kushilwila.”
^ Kishima pa kishima i, “kifīle mutyima wabo.”
^ Kishima pa kishima i, “batyibi.”
^ Nansha’mba “i kilamwe.”
^ Nansha’mba “Sheole,” ko kunena’mba, kibundu kya bantu bonso. Tala Nshintulwilo ya Bishima.
