Hosea 2:1-23
2 “Nenai banabenu bana-balume amba, ‘Bantu bami!’*+
Ne banabenu bana-bakaji amba, ‘A mwana-mukaji mufwilwe lusa!’*+
2 Sambilai inenu; musambilei,Mwanda ke wami mukajipo+ kadi nkidipo wandi mulume.
Ufwaninwe kwitalula busekese* bwandiNe makoji pa bukata bwa mabele andi,
3 Shi bitupu nkamuvūla mutaka ne kumwikadija enka bwa mu difuku dyaabutwilwe,Kumwikadija pamo bwa mu ntanda mutuputupu,Kumwalamuna ke ntanda yampikwa mema,Ne kumwipaija na kyumwa.
4 Kadi nkikafwilapo bandi bana lusa,Mwanda i bana ba mu busekese.*
5 Mwanda inabo walongele busekese.*+
Yewa webemite walongele bya bumvu,+ mwanda wanenene amba,‘Nsa kukalonda bankenene,+Boba bampa mukate ne mema,Myoya yami ne bukonge bwami, māni ami ne bya kutoma byami.’
6 O mwanda nkajika dishinda dyobe na lusao lwa miba;Kadi nkamwimikila lubumbu lwa mabwe,Amba akomenwe kutana tushinda twandi.
7 Ukalonda bamukenene lubilo, ino kakebapetapo;Ukebakimba, ino kakebatanapo.+
Penepo ukanena’mba, ‘Nsa kujokela kudi wami mulume mubajinji,+Mwanda nadi biyampe mu kine kitatyi’kya kupita mokengikadile pano.’+
8 Kadipo uyukile amba i ami wadi umupa miseke,+ vinyu mipya, ne māni,Kadi i ami wadi umupa ndalama mingimingiNe olo,* yobaingidije mwanda wa Bāla.+
9 ‘O mwanda, nsa kujoka kusela miseke yami mu kitatyi kyayo+Ne vinyu yami mipya mu kyaba kyayo,Kadi nkasompola myoya yami ne bukonge bwami bwadi bwa kupūta mutaka wandi.
10 Pano nsa kushiya patōka pakola pandi mu meso a bamukenene,Kadi i kutupu muntu nansha umo ukamukūla ku kuboko kwami.+
11 Nkafudija nsangaji yandi yonso,Masobo andi,+ makweji katenta andi, masabato andi, ne bitatyi byandi byonso bya masobo.
12 Kadi nkasala mityi yandi ya mañanza ne mityi yandi ya bikuyu, mine yaadi unena’mba:
“Ino i mfutwa yami, yaumpele bankenene”;Nkeyalamuna ke ditó,Kadi banyema ba ntanda bakeibokota.
13 Nkamunena eshintulwile pa mafuku aalambwile bitapwa ku bankishi ba Bāla,+Paadi wineñenya na nzenze yandi ne bya kwidyangula nabyo ne kulonda bamukenene lubilo,Kadi ami ye wawaidilwe,’+ i Yehova unena.
14 ‘O mwanda nkamunekenya,Nkamwendeja mu ntanda mutuputupu,Kadi nkesamba mwanda wa kunekenya mutyima wandi.
15 Nkamujokejeja madimi andi a mañanza tamba kine kitatyi’kya,+Ne Musanza* wa Akola+ bu kibelo kya lukulupilo;Ukalondolola’ko pamo bwa mu mafuku a busongwakaji bwandi,Pamo bwa mu difuku dyawatambile mu ntanda ya Edipito.+
16 Kadi mu dyodya difuku,’ i Yehova unena,‘Ukangita bu Wami mulume, kukangitepo monka bu Mfumwami.’*
17 ‘Nkatalula majina a bankishi ba Bāla mu kyakanwa kyandi,+Kadi majina abo keakavulukwapo monka.+
18 Mu dyodya difuku nkebalongela kipwano na banyema ba ntanda,+Ne na byoni bya mūlu ne na bintu bilandala pa nshi;+Nkatalula pa ntanda buta bwa miketo ne kipete ne divita,+Kadi nkebalādika* na mutyima-ntenke.+
19 Nkakusonga nyeke;Kadi nkakusonga mu boloke ne mu bululame,Na buswe bwa ndamatyidile ne na lusa.+
20 Nkakusonga mu bubinebine,Kadi ukayuka Yehova binebine.’+
21 ‘Mu dyodya difuku nkalondolola,’ i Yehova unena,‘Nkalondolola madiulu,Kadi nao akalondolola ntanda;+
22 Ntanda nayo ikalondolola miseke ne vinyu mipya ne māni;Nabyo bikalondolola Yezelele.*+
23 Nkekunina’ye pamo bwa nkunwa mu ntanda,+Kadi nkamufwila lusa aye kafwidilwepo lusa;*Nkanena boba ke bami bantupo* amba: “Mwi bami bantu,”+Kadi nabo bakanena’mba: “Wi Leza wami.”’”+
Kunshi kwa Dyani
^ Nansha’mba “bundumba; buenda.”
^ Nansha’mba “bundumba; buenda.”
^ Nansha’mba “wepēne mu bundumba (buenda).”
^ Nansha’mba “nsahabu.”
^ Nansha’mba “Dilungu dya Musanza.”
^ Nansha’mba “Bāla Wami.”
^ Nansha’mba “nkebekadija bōmi.”
^ Ko kushintulula’mba “Leza Ukakuna Nkunwa.”
