Hosea 3:1-5
3 Penepo Yehova waunena’mba: “Enda monka, kasanswe mwana-mukaji obasenswe kudi muntu mukwabo kadi ulonga makoji,+ monka musanshilwe Yehova bantu ba Isalela+ nansha byobaalamukila kudi baleza bakwabo+ ne kusanswa mikate ya mañanza.”*
2 Ebiya namupota na bibese 15 bya ndalama ne kipimo kya homa* umo ne kipindi wa mebele a buluba.
3 Kupwa namunena’mba: “Ukekala wami mafuku mavule. Kufwaninwepo kulonga busekese,* kadi kufwaninwepo kulāla na muntu mukwabo, nami nkekala nobe muswelo umo onka.”*
4 I pa mwanda bantu ba Isalela bakekala kitatyi kilampe* pampikwa mulopwe,+ pampikwa mfumu, pampikwa kitapwa, pampikwa kikomo, ne pampikwa efoda+ ne bankishi ba telafimi.*+
5 Kupwa bantu ba Isalela bakajoka ne kukimba Yehova Leza wabo+ ne Davida mulopwe wabo,+ kadi bakāya bazakala kudi Yehova ne ku buyampe bwandi ku mfulo ya mafuku.+
Kunshi kwa Dyani
^ Ko kunena’mba, yoya yadi ingidijibwa mu butōtyi bwa bubela.
^ Homa umo i malitele 220 (makwatyi 200 a byūmu). Tala Mbwejo B14.
^ Nansha’mba “kwipāna mu bundumba (buenda).”
^ Nansha’mba “nkikalālapo nobe.”
^ Kishima pa kishima i, “mafuku mangi.”
^ Nansha’mba “baleza ba mu njibo; bilezaleza.”
