Hosea 6:1-11
6 “Iyai, tujokele kudi Yehova,Mwanda wetusasamuna bisesobiseso,+ ino usa kwitundapa.
Wetukupile, ino usa kwitukuta bilonda.
2 Uketupumputumuna kupwa kwa mafuku abidi.
Uketwimika mu difuku dya busatu,Kadi tukekala bōmi ku meso andi.
3 Tukayuka, tukakimba kuyuka Yehova na mikeketo.
Kutamba kwandi i kwa bine pamo’nka bwa kibangabanga;Ukāya kotudi pamo bwa mvula mukatampe,Pamo bwa mvula wa ku muketeko ubombeja nshi.”
4 “Le nkakulonga bika, a Efelaimi?
Le nkakulonga bika, abe Yuda?
Mwanda buswe bobe bwa ndamatyidile budi pamo bwa makumbi a lubanga,Pamo bwa lumé lukupuka bukidibukidi.
5 O mwanda nkebaketa’ko kupityila ku bapolofeto;+Nkebepaya na binenwa bya kyakanwa kyami.+
Kadi butyibi bukakutyibilwa bukeñenya pamo bwa kitōkeji.+
6 Mwanda ami ndoelelwe buswe bwa ndamatyidile,* ke kitapwapo,Ne buyuki bwa Leza, pa kyaba kya byamulambu bisōkwe bituntulu.+
7 Ino abo, abajilula kipwano+ pamo bwa bantu bitupu.
Abandimbe kwine’kwa.
8 Ngileade i kibundi kya banonga-bibi,+Kiyule mayo a mashi.+
9 Kibumbo kya babitobo kidi pamo bwa bibumbo bya bañonaona bifyamīne muntu.
Bepayañana mu dishinda ku Shekema,+Mwanda mwiendelejo wabo i wa bumvu.
10 Namone kintu kya mwiko mu njibo ya Isalela.
Efelaimi uloñanga busekese kwine’kwa;+Isalela wesubija.+
11 Ne kadi, a Yuda, abakutūdila’ko mwangulo,Kitatyi kyonkongakanya misungi ya bantu bami.”+
Kunshi kwa Dyani
^ Nansha’mba “lusa.”
