Hosea 8:1-14
8 “Tūla lusengo ku kyakanwa kyobe!+
Muntu umo wiyanga kulwa na njibo ya Yehova+ pamo bwa mukebo,Mwanda abajilula kipwano kyami,+ kadi abatyumuna kijila kyami.+
2 Bangelanga lubila’mba, ‘Leza wami, batwe bene Isalela, tukuyukile!’+
3 Isalela wapele kyokya kiyampe.+
Walwana amulondelonde.
4 Abatūla’ko balopwe, ino ke na amipo.
Abatūla’ko bamfumu, ino ami nkibayukilepo.
Abalonga bilezaleza na ndalama ne olo yabo,+Mwanda wa konakanibwa kwabo.+
5 A Samadia, kyana kya ñombe kyobe kibapelwe.+
Bulobo bwami bubebākila.+
Le i kufika ne kitatyi’ka kyobakakomenwa kwikala bampikwa mambo?*
6 Mwanda kino kibatambe ku Isalela.
I sendwe ulongele’kyo, ke Lezapo;Kyana kya ñombe kya Samadia kikalalwa tubesetubese.
7 Mwanda bakunanga kivula,Kadi bakangula luvula lwa kimpumpu.+
I kutupu kamutyi nansha kamo kapa miseke myele;*+Mitombo yonso keilupulangapo bukula.
Shi ibalupula’bo, beni* bakebumina.+
8 Isalela ukaminwa.+
Pano bakekala mu bukata mwa mizo,+Pamo bwa kipungwa kyokebasakilepo.
9 Mwanda abakanda ku Ashidia,+ pamo bwa mpunda wa ntanda udi kasuku.
Efelaimi waloba bamusenswe.+
10 Nansha byobebaloba mu mizo,Ami nsa kwibakongakanya;Basa kushilula kususuka+ na kiselwa kilēma kibatwikile mulopwe ne bamfumu.
11 Mwanda Efelaimi wavudija bisōkelo mwanda wa kulonga bubi.+
Bibaikala ke bisōkelo byandi mwanda wa kulonga bubi.+
12 Namulembēle bintu bivule bya kijila kyami,*Ino bebimwene bu kintu kyeni.+
13 Banambulanga byabuntu bya bitapwa, kadi badyanga mwita,Ino Yehova kebisangedilepo.+
Pano usa kuvuluka kilubo kyabo ne kwibapa mfuto pa mwanda wa bubi bwabo.+
Abajokela* ku Edipito.+
14 Isalela wailwa Mulongi wandi,+ kadi waubaka matempelo,+Yuda nandi wavudija bibundi bikomejibwe.+
Ino ami nkatuma mudilo mu bibundi byandi,Nao ukaloteja biteba bya kibundi ne kibundi.”+
Kunshi kwa Dyani
^ Nansha’mba “batōka?”
^ Nansha’mba “imene.”
^ Nansha’mba “ba kungi.”
^ Nansha’mba, “bulombodi bwami.”
^ Bibwanika padi i, “Bakajokela.”