Hosea 9:1-17
9 “A Isalela, kokisangala,+Kokilonga bintu na nsangaji pamo bwa bantu.
Mwanda ubasāsuka Leza obe na busekese.*+
Ubasanswa mfutwa ya ndumba pa kipūdilo kyonso kya miseke.+
2 Ino kipūdilo ne kyengelo kya vinyu kebikebadishapo,Kadi vinyu mipya ikamupwa.+
3 Kebakekalapo nyeke mu ntanda ya Yehova;+Ino Efelaimi ukajokela ku Edipito,Kadi bakadya kintu kya disubi mu Ashidia.+
4 Kebakapungululapo monka byamulambu bya vinyu kudi Yehova;+Bitapwa byabo kebikamusangajapo.+
Bidi pamo bwa mukate wa madilo;Boba bonso badya’o bakesubija.
Mwanda mukate wabo i wabo bunka;*Keukatwelapo mu njibo ya Yehova.
5 Le mukalonga bika mu difuku dya kubungakana,*Mu difuku dya masobo a Yehova?
6 Mwanda tala! bakanyemanga mwanda wa bonakani.+
Edipito ukebabungila pamo,+ kadi Memfise ukebajīka.+
Lusungesunge lukayata bintu byabo bya bulēme bya ndalama,Kadi bimuna bya miba bikekala mu mapema abo.
7 Mafuku a mfuto akāya,+Mafuku a kulubula kinongo akāya,Kadi Isalela ukayuka’kyo.
Mupolofeto wabo ukekala mulembakane, kadi muntu wa mushipiditu ukekala ke kilubi;Mwanda kilubo kyobe i kikatampe, kadi kīji kyobakulamīne i kikatampe.”
8 Mulami+ wa Efelaimi wadi na Leza wami.+
Ino pano mashinda onso a bapolofeto bandi+ adi pamo bwa bidiba bya kiluwe wa byoni;Mu njibo ya Leza wandi mudi kīji.
9 Abatokena mu masala, pamo bwa mu mafuku a Ngibea.+
Aye ukavuluka kilubo kyabo ne kwibapa mfuto pangala pa bubi bwabo.+
10 “Natene Isalela pamo bwa mañanza mu ntanda mutuputupu.+
Namwene bakulutuba benu pamo bwa kikuyu kibajinji mu byobya bibadikilanga kupa ku mutyi wa kikuyu.
Ino baendele kudi Bāla wa Peole;+Bepēne ku kintu kya bumvu,*+Kadi baikala ke ba mukenye pamo bwa kintu kyobasenswe.
11 Ntumbo ya Efelaimi ibatumbuka pamo bwa kyoni;I kutupu kubutula, nansha dīmi, nansha kwimita.+
12 Nansha shi abalela bana,Ami nkebepaila’bo kufika ne byokekukashalapo muntu nansha umo;+Bine, malwa abo ponkebavundamina!+
13 Efelaimi, mukunwe mu madyo, wadi pamo bwa Tyila kondi;+Pano Efelaimi ufwaninwe kutwala bandi bana ku kutapwa.”
14 A Yehova, wibape kyofwaninwe kwibapa;Ndá ipulumuna ne mabele mōmu.*
15 “Bubi bwabo bonso bwadi mu Ngilengale,+ mwanda nebashikilwe kwine’kwa.
Nkebapanga mu njibo yami pa mwanda wa bilongwa byabo bibi.+
Nkikebasanswapo monka;+Bamfumu babo bonso badi na mitwe myūmu.
16 Efelaimi ukaponejibwa panshi.+
Miji yabo ikōma, kadi kebakapepo kipa nansha kimo.
Nansha shi ababutula, ami nkebepaila lutundu lwabo lobasenswe.”
17 Leza wami ukebela,Mwanda kebamwivwenepo,+Kadi bakekala bantu banyemakana mu mizo.+
Kunshi kwa Dyani
^ Nansha’mba “bundumba; buenda.”
^ Nansha’mba “wa muya wabo.”
^ Nansha’mba “masobo enu matungwe.”
^ Nansha’mba “leza wa bumvu.”
^ Nansha’mba “mafumbe.”
