Isaya 10:1-34
10 Malwa abo boba batūla’ko misoñanya ya kasusu,+Baleta nyeke mbila ya kumwesha bantu malwa,
2 Mwanda wa kupela kyepelo kya balanda,Mwanda wa kupela kubingija bapēlulwe mu bantu bami,+Balamuna bakaji ba kishala ke kitūtwa kyabo,Ne bana bampikwa bashabo* ke kikwatwa kyabo!+
3 Le mukalonga namani mu difuku dya mfuto,+Pakatamba bonakani kulampe?+
Le mukanyemena kudi ani wa kwimukwasha,+Kadi i kwepi komukashiya bupeta bwenu?*
4 I kutupu kishele’ko poso enka kubatama mu bakutwaNansha kupona mu batapwe.
Pa mwanda wa bino byonso, bulobo bwandi kebujokelepo kunyuma,Ino kuboko kwandi i kōlole’nka kōlola mwanda wa kukupila.+
5 “Yō! a mwine Ashidia,+Lusonde lwa kulombola bulobo bwami+Ne mukombo mu kuboko kwabo wa kutuluja kwami!
6 Nkamutuma kulwa na muzo mupondoke,+Na bantu bankalabeje;Nkamusoñanya ayate bitūtwa bingi ne bikwatwa bingiNe kwibatyampa pamo bwa bitoto mu bipito.+
7 Inoko aye kakalangapo uno musweloKadi mutyima wandi keukakutepo nkuku uno muswelo;Mwanda udi na mutyima wa kutukija fututu,Wa kutyiba’ko mizo mingi, ke mityetyepo, aa.
8 Mwanda unenanga amba,‘Mwene bamfumu bami bonso i balopwe?+
9 Lelo Kaleno+ kadipo pamo’nka bwa Kalekemishi?+
Lelo Hamata+ kadipo pamo bwa Alapade?+
Lelo Samadia+ kadipo pamo bwa Damakasa?+
10 Kuboko kwami kubakwata malopwe a baleza ba bitupu,Adi na bankishi basōnge bavule kutabuka ba Yelusalema ne Samadia!+
11 Le nkikalongapo ne Yelusalema ne bilezaleza byandiNa monalongela Samadia ne baleza bandi ba bitupu?’+
12 “Shi Yehova wapu mwingilo wandi onso pa Lūlu lwa Ziona ne mu Yelusalema, ukapa* mulopwe wa Ashidia mfuto pa mwanda wa mutyima wandi wa kibengo ne mitatulo yandi, mutadilo wa kibengo.+
13 Mwanda aye unenanga’mba,‘Nkalonga kino na bukomo bwa kuboko kwamiNe na tunangu twami, mwanda ne wa tunangu.
Nkatalula mikalo ya bantu+Ne kutūta byabulēme byabo,+Kadi nkanekenya bekadi pamo bwa nkomokomo.+
14 Pamo bwa muntu upetelwa pa bunswa,Kuboko kwami kukakwata bya bupeta bya bantu;Kadi pamo bwa muntu ukongakanya mai mashibwe,Nkakongakanya ntanda yonso!
I kutupu nansha umo ukepapa na mapapa andi nansha kwasama kyakanwa kyandi nansha kudila.’”
15 Le kasolwa kakezunzwila yewa utēta nako?
Le só ukezunzwila yewa utyiba nandi?
Le mukombo+ ukajinya yewa wiutulula?
Nansha lusonde le lukatulula yewa kapungilwepo na mutyi?
16 O mwanda Mfumu wa bine, Yehova wa bibumbo,Ukanyanika bantu bandi banune,+Kadi munshi mwa ntumbo yandi ukakija’mo mudilo utēma.+
17 Kitōkeji kya Isalela+ kikekala ke mudilo,+Mwine Ujila wandi nandi ke lubimbi;Kikasōka ne kuloteja biyombo byandi bityani ne bimuna byandi bya miba mu difuku dimo.
18 Ukafundula lonso* ntumbo ya ditó dyandi ne kitongo kyandi;Bikekala pamo na mushinikilanga muntu ubela.+
19 Mityi ya ditó dyandi ikashala’koIkekala mityetye bininge, ne mwanuke ukabwanya kwiilemba.
20 Mu dyodya difuku boba bashele ku IsalelaNe ba ku njibo ya Yakoba bapandileKebakakulupilapo monka yewa webakupile;+Ino bakakulupila YehovaMwine Ujila wa Isalela, na bubinebine.
21 Enka yewa ushele’ko ye ukajoka,Yewa ushele kwa Yakoba, kudi Leza Mukomokomo.+
22 Mwanda a Isalela, nansha shi bantu bobeBadi bwa musenga wa dijiba,Enka yewa ushele’ko mobadi ye ukajoka.+
Mukubo ubatungwa,+Kadi boloke bukebapūta.*+
23 Bine, mukubo utungilwe na Mfumu Mwinē Lupusa Lonso, Yehova wa bibumbo,Ukafikidila mu ntanda yonso.+
24 O mwanda Mfumu Mwinē Lupusa Lonso, Yehova wa bibumbo wanena namino amba: “A bantu bami bekele mu Ziona, kemwakakwatwai moyo pa mwanda wa mwine Ashidia wadi wimukupilanga nsonde+ ne kwimutulwila mukombo wandi na mwalongēle Edipito.+
25 Mwanda mu kitatyi kityetye’tu kutulujibwa kukafika ku mfulo; bulobo bwami bukalamukila ku kwibonakanya.+
26 Yehova wa bibumbo ukamutundwila lusonde,+ pamo bwa mu kitatyi kyaanekenye Midyana dya ku dibwe dya Olebe.+ Mukombo wandi ukekala pa dijiba, kadi ukeutulula mwaalongele na Edipito.+
27 Mu dyodya difuku kiselwa kyandi kikatalulwa pa kipuji kyobe,+Ne lupungu lwandi mu nshingo yobe,+Kadi lupungu lukatyumunwa mwanda wa māni.”+
28 Waiya ku Aiata;+Wapityila mu Mikelone;Watūla biselwa byandi ku Mikemashe.+
29 Abaabuka kyabu kya lwa ntobwa;*Abalāla mu Ngeba;+Lama katetema, Ngibea+ wa Solo wanyema.+
30 Dila ne kuyoyokota, abe mwanā Ngadime mwana-mukaji!
Tá mutyima, abe Laisha!
Abe Anatote mulanda!+
31 Mademena wanyema lubilo.
Bekadi ba Ngebime bakimbanga mwa kufyama.
32 Dyalelo dino’di aye usa kukemana mu Nobe.+
Ubeleñenyanga kikoni kyandi ku lūlu lwa mwanā Ziona mwana-mukaji,Mukuna wa Yelusalema.
33 Tala! Mfumu wa bine, Yehova wa bibumbo,Uketanga misambo na mishindo mikatampe mpata;+Mityi milampe bininge ibatētwa,Kadi milamila nayo ibatūkijibwa munshi.
34 Watēta ne bivunda* bya mu ditó na kingidilwa kya kyuma,*Kadi Lebanona ukaponejibwa na nkomokomo.
Kunshi kwa Dyani
^ Nansha’mba “Ne bana ba nshiye.”
^ Nansha’mba “ntumbo yenu.”
^ Kishima pa kishima i, “nkapa.”
^ Nansha’mba “kushilwila ku muya kutūla ne ku ngitu.”
^ Nansha’mba “mfuto ikebapūta.”
^ Kyabukwa lwa nshi.
^ Nansha’mba “bifinga.”
^ Nansha’mba “kasolwa.”
