Isaya 62:1-12
-
Dijina dipya dya Ziona (1-12)
62 Nkikekalapo talala pa mwanda wa Ziona,+Kadi nkikekalapo nyeke talala pa mwanda wa YelusalemaKufika ne byeñenya boloke bwandi pamo bwa kitōkeji kikelema,+Ne bitēma lupandilo lwandi pamo bwa kyenge.+
2 “A mwana-mukaji,+ mizo ikamona boloke bobe,Balopwe bonso nabo ntumbo yobe.+
Kadi bakakwita dijina dipya,+Dikatonga kyakanwa kya Yehova.
3 Ukekala kilukwa kya buya mu kuboko kwa Yehova,Kivwalwa kya ku mutwe kya bulopwe mu dikasa dya Leza obe.
4 Kuketwepo monka bu mwana-mukaji mushibwe,+Ntanda yobe nayo keiketwepo monka bu masala.+
Ino uketwa’mba, Kuloelelwa Kwami Kudi Mwadi,+Kadi ntanda yobe iketwa bu Musongwe.
Mwanda Yehova ukaloelelwa modi,Kadi ntanda yobe ikekala pamo bwa muntu musongwe.
5 Mwanda monka musongelanga nsongwalume mwana-mukaji mujike,Bobe bana bana-balume nabo bakakusonga.
Leza obe ukakusangela,Na nsangaji isangalanga musoñañani padi musongwa.+
6 A Yelusalema, natūla balami pa mumbu yobe,Kebafwaninwepo kwikala talala, dyuba dyonso ne bufuku bonso nyeke.
Banwe batela Yehova,Kemwakalekai’byo,
7 Kadi kemwakamulekai kufika ne byakomeja Yelusalema pototo,Bine, kufika ne byamwalamuna ke mitendelo ya pano pa ntanda.”+
8 Yehova watyipe mutyipo na dikasa dyandi dya lundyo, na kuboko kwandi kwa bukomo amba:
“Nkikapepo monka balwana nobe miseke yobe bu byakudya,Nansha beni kukatoma vinyu yobe mipya yowasusukīle.+
9 Ino boba beibunga bakadya’yo ne kutendela Yehova;Kadi boba beikongakanya bakeitoma mu bipango byami bijila.”+
10 Pitai, pitai pa bibelo.
Sebelai bantu dishinda.+
Yengai, yengai dishinda dikatampe.
Talulai’mo mabwe.+
Shimikilai bantu kiyukeno.*+
11 Talai! Yehova wasapula ku mafulo a ntanda’mba:
“Lombolai mwanā Ziona mwana-mukaji amba,‘Tala! Lupandilo lobe lwalo lwiya.+
Tala! Aye udi na mpalo yandi,Kadi mfutwa yafuta idi ku meso andi.’”+
12 Bakebeta bu bantu bajila, boba bakūlwe na Yehova,+Nobe bakakwita bu Obakimba, Kibundi Kyampikwa Kushibwa.+
Kunshi kwa Dyani
^ Nansha’mba “mutyi wa kiyukeno.”
