Kupituluka mu Bijila 32:1-52
32 “A madiulu, ntei kutwi, nami nkesamba,Ntanda nayo ivwane binenwa bya kyakanwa kyami.
2 Bulombodi bwami bukanoka bwa mvula;Binenwa byami bikasūma bwa lumé,Bwa mvula mutyemutye pa biyomboNe bwa munoko mukatampe pa munamuna.
3 Mwanda nkasapula dijina dya Yehova.+
Kunena bukatampe bwa Leza wetu!+
4 Dibwe, bilongwa byandi i bibwaninine,+Mwanda mashinda andi onso i moloke.+
Leza wa bubinebine+ wampikwa bukondame nansha patyetye;+Aye i moloke kadi moloke swā.+
5 Abo bo balongele bya kiboja.+
Ke bandi banapo, kilubo i kyabo abo bene.+
I lukongo lukondame kadi lunyengakane!+
6 Le i Yehova omulonga nankyo,+Banwe bantu balembakane kadi bampikwa tunangu?+
Mwene aye ye Shenu wemwikadije’ko,+Mwine wemulongele ne kwimukomeja pototo?
7 Vulukai mafuku a kala;Langai myaka ya nkongo ya kunyuma.
Ipangulai shenu, ubwanya kwimusapwila;+Bakulumpe benu, nabo bakemulombola.
8 Mwine wa Peulu Mwine paapele mizo bupyani bwayo,+Paakalañenye bana ba Adama* umo ku mukwabo,+Watūdile mikalo ya bantu+Mwendele bungi bwa bana ba Isalela.+
9 Mwanda bantu ba Yehova i kipindi kyandi;+Yakoba i bupyani bwandi.+
10 Wamutene mu ntanda mutuputupu+Mu ntanda mudi zolē, mudila banyema ba ntanda.+
Wamwelele mu bukata mwanda wa kumukinga, wamulamine,+Kadi wamulamine bwa nkishi wa mu diso dyandi.+
11 Pamo bwa mukebo ujinya bunswa bwao,Ulelemba pangala pa twana twao,Ubāla mapapa ao, wetuyata,Wetusela pa mapapwa ao,+
12 Yehova bunka bwandi wadi umutangidile;*+I kutupu leza ungi nansha umo wadi nandi.+
13 Wamutentamije pa mitenta ya ntanda,+Amba adye bipa bya mu budimi.+
Wamudishishe būki bwa mu kidibweNe māni a mu dibwe dikomo,
14 Buleba bwa bañombe ne mabele a luombe,Pamo ne mikōko miyampe kutabuka,*Ne mikōko milume ya Bashane, ne bambuji balume,Pamo ne ñano milumbuluke;*+Kadi watomene vinyu ya mashi* a mañanza.
15 Yeshulune* pa kununa, wasobwele maulu na butomboki.
Abe wanunine, wabaile, wayudile.+
Penepa waela Leza, mwine wamulongele,+Ne kufutulula Dibwe dya lupandilo lwandi.
16 Bamukolomwene bukalabale na baleza ba kungi;+Badi bamusanshija na bintu bya munyanji.+
17 Badi balambula bitapwa ku bandemona, ke kudi Lezapo,+Ku baleza bokebadipo bayukile,Bapya baile panopano,Ku baleza kebadipo bayukile bakulutuba benu.
18 Mwaidilwe Dibwe+ dyemubutwile,Kadi kemwavulukilepo Leza wemubutwile.+
19 Yehova pa kumona’kyo, webapela+Mwanda bandi bana bana-balume ne bana-bakaji bamusanshije.
20 Penepo wanena’mba, ‘Nsa kwibafya mpala yami;+Nsa kutala mobasa kwikadila.
Mwanda i lukongo lupupakane,+Bana bampikwa kikōkeji.+
21 Baunkolomwene bukalabale* na baleza ba bitupu;+Baunsanshije na bilezaleza byabo bya bitupu.+
Nami nsa kukolomona mukao wabo na boba kebadipo ne bu bantu bene;+Nsa kwibasanshija na muzo mulembakane.+
22 Mwanda bulobo bwami bubaake mudilo+Bukatēma munshi mwa Kibundu,*+Kadi bukaloteja nshi ne bipa byayoKadi busa kwakila byalwilo bya ngulu.
23 Nkavudija byamalwa byabo;Nkebasobwela miketo yami.
24 Bakapungila nzala+Ne kudibwa na ngitu kukaba bininge ne bonakani busansa.+
Nkebatumina meno a banyema+Ne bulembe bwa bībulula panshi.
25 Panja, kipete kikebepaila bana;+Munda, mudi luzakalo+Kudi nsongwalume ne mujike mwine,Mwana mutyetye pamo ne muntu wa mvwi.+
26 Nkanena’mba: “Nsa kwibapalakanya;Nsa kulengeja bantu baleke kwibavuluka,”
27 Shi ke moyo wamipo wa bisa kulonga balwana,+Mwanda bakinkwa bakafwatakanya bya bubela.+
Bakanena’mba: “I bukomo bwetu bwanekenya;+Kadipo Yehova walongele bino byonso.”
28 Mwanda abo i muzo wampikwa milangwe,*Kadi kekudipo ñeni mu bukata mwabo.+
29 Yō, shi badi na tunangu!+ Badi ba kulangulukila’po.+
Badi ba kulanga bikebafikila.+
30 Le muntu umo ubwanya namani kupanga bantu 1 000,Ne bantu babidi kunyemeja bantu 10 000?+
Poso Dibwe dyabo dibapoteje+Ne Yehova ebapāne.
31 Mwanda dibwe dyabo kedidipo pamo bwa Dibwe dyetu,+Nansha balwana netu bene bayukile’kyo.+
32 Mwanda muñanza wabo i wa ku muñanza wa SodomaNe ku madimi a Ngomola.+
Mañanza abo i mañanza a bulembe,Bisansa byabo bilulanga bululu.+
33 Vinyu yabo i bulembe bwa banyoka,Bulembe bwipaijana bwa bantambwa-ntanda.
34 Le kino’ki kekibīkilwepo na ami,Kitūlwe kiyukeno mu kibīko kyami?+
35 Kinongo i kyami, ne mfuto mine,+Pa kitatyi kitungwe, pakashetemuka kulu kwabo,+Mwanda difuku dya kyamalwa kyabo dibafwena,Kadi kyokya kibatengele kisa kwiya bukidibukidi.’
36 Mwanda Yehova ukatyibila bantu bandi mambo,+Kadi ukevwanina bengidi bandi lusa*+Pa kumona’mba bukomo bwabo bubatyepa,Ne amba kubashala enka mufudile ne muzoze.
37 Penepo ukanena’mba, ‘Le baleza babo badi kwepi,+Dibwe dine mobadi bakimba kunyemena,
38 Badi badya māni a bitapwa byabo,*Batoma vinyu ya byamulambu byabo bya bitomibwa?+
Bemane bemukwashe.
Bekale ke kifuko kyenu kwa kunyemena.
39 Talai pano, amiwa—ami ye aye,+Kadi kekudipo baleza bakwabo poso ami.+
Ngipayanga, ne kwikadija mūmi+
Ntapanga kilonda,+ kadi nkabelulanga,+Kekudipo nansha umo ubwanya kunyongolola mu kuboko kwami.+
40 Mwanda natulula kuboko kwami mūlu,Kadi natyipe amba: “Bine ne byondi mūmi nyeke,”+
41 Shi nanona kipete kyami kidyemukaKadi nalongolola kuboko kwami mwanda wa butyibi,+Nkalubula kinongo ku bakinkwa nami+Ne kufuta mfuto boba banshikilwe.
42 Nkalengeja miketo yami ikolwe mashi,Kadi kipete kyami kikadya mwita,Ne mashi a batapibwe ne a misungi,Ne mitwe ya batangidiji ba walwana.’
43 A mizo, sangalai pamo na bantu bandi,+Mwanda aye ukaluja kinongo kya mashi a bengidi bandi,+Kadi ukalubwila kinongo bakinkwa nandi+Kadi ukapūta bubi bwa* ntanda ya bantu bandi.”
44 Penepo Mosesa waiya, wapituluka binenwa byonso bya luno lwimbo mu matwi a bantu,+ aye ne Hoshea*+ mwanā Nuna.
45 Mosesa pa kupwa kunena bino binenwa byonso kudi Isalela ense,
46 webanena’mba: “Lamai ku mutyima binenwa byonso byonemudyumuna dyalelo dino’di,+ amba musoñanye benu bana bate mutyima’mba balonge mwendele binenwa byonso bya bino Bijila.+
47 Mwanda kino ke kinenwapo kya bituputupu komudi, ino akyo i būmi bwenu,+ kadi kupityila ku kino kinenwa mukekalanga bōmi kitatyi kilampe mu ntanda yomwabukila Yodano kukeiyata ke yenu.”
48 Yehova wesamba na Mosesa mu difuku dyonka’dya, amba:
49 “Kanda mu luno lūlu lwa Abadimi,+ Lūlu lwa Nebo,+ ludi mu ntanda ya Moabu, lwitadidile na Yediko, utale ntanda ya Kenani, yonsa kupa bene Isalela ke yabo.+
50 Penepo usa kufwila mu lūlu losa kukanda, kadi ukalungwa ku bantu bobe,* monka mwafwidile Alone mwanenu mu Lūlu lwa Hola,+ walungwa ku bantu bandi,
51 mwanda banwe bonso bubidi mwabudilwe kikōkeji kondi mu bukata mwa bene Isalela ku mema a Mediba+ wa Kadesha mu ntanda mutuputupu ya Zine, ke-pantu kemwampandwilepo ku meso a bantu ba Isalela.+
52 Usa kumwena ntanda’ya kulampe, ino kukatwelapo mu ntanda yonsa kupa bantu ba Isalela.”+
Kunshi kwa Dyani
^ Bibwanika padi i, “muzo wa bantu.”
^ Ko kunena’mba, Yakoba.
^ Kishima pa kishima i, “māni a.”
^ Kishima pa kishima i, “māni a mfyo ya.”
^ Nansha’mba “busuku.”
^ Ko kushintulula’mba “Moloke Swā,” kitenta kya bulēme kya Isalela.
^ Nansha’mba “mukao.”
^ Nansha’mba “Sheole,” ko kunena’mba, kibundu kya bantu bonso. Tala Nshintulwilo ya Bishima.
^ Bibwanika padi i, “keumvwe madingi.”
^ Nansha’mba “ukealakanya pa bengidi bandi.”
^ Nansha’mba “badya bitapwa byabo bilumbuluke.”
^ Nansha’mba “ukasubula.”
^ Dijina dibajinji dya Yoshua. Hoshea i Hoshaia mu kīpi, ko kushintulula’mba “Mupandijibwe na Yah; Yah Wapandija.”
^ Uno i muneneno wa kusāsula ushintulula’mba kufwa.
