Kusokwelwa Kudi Yoano 7:1-17
7 Bino’bi pa kupita’po namwene bamwikeulu baná bemene ku mafinko aná a ntanda, bakwete bininge mvula iná ya ntanda, kutyina’mba kwakekala luvula lupukuma pa ntanda nansha pa dijiba nansha pa mutyi o-onso.
2 Kadi namwene mwikeulu mukwabo utamba dya kutambanga dyuba* wenda ukanda, ukwete kiyukeno kya Leza mūmi; penepo wanena na diwi dikatampe boba bamwikeulu baná bapelwe lupusa lwa kulonga ntanda kibi ne dijiba dine,
3 amba: “Kemwakilongai ntanda kibi nansha dijiba nansha mityi, enka ne byotupwa kutūla biyukeno+ pa mapala+ a bapika ba Leza wetu.”
4 Kadi naivwene bungi bwa boba batūdilwe biyukeno, 144 000,+ batūdilwe biyukeno mu bisaka byonso bya bana ba Isalela:+
5 Mu kisaka kya Yuda 12 000 batūdilwe biyukeno;mu kisaka kya Lubeni 12 000;mu kisaka kya Ngade 12 000;
6 mu kisaka kya Ashela 12 000;mu kisaka kya Nafatale 12 000;mu kisaka kya Manase+ 12 000;
7 mu kisaka kya Shimioni 12 000;mu kisaka kya Levi 12 000;mu kisaka kya Isakala 12 000;
8 mu kisaka kya Zebuluna 12 000;mu kisaka kya Yosefa 12 000;mu kisaka kya Benjemani 12 000 batūdilwe biyukeno.
9 Bino’bi pa kupita’po namwene, na’mba ntale! kibumbo kikatampe kya bantu, kekikokejapo kubalwa na muntu nansha umo, batambile mu mizo yonso ne bisaka ne bantu ne ndimi,+ bemene kumeso kwa lupona ne ku meso a Kana ka Mukōko, bavwele minkukumba itōka tō;+ kadi badi bakwete tunkindu mu makasa abo.+
10 Kadi badi banena’nka kunena na diwi dikatampe, amba: “Lupandilo lwetu lutambanga kudi Leza wetu, ushikete pa lupona,+ ne kudi Kana ka Mukōko.”+
11 Bamwikeulu bonso badi bemene bajokolokele lupona ne bakulumpe+ ne bipangwa byūmi biná, penepo bapona mapala abo pa nshi kumeso kwa lupona kebatōta Leza,
12 amba: “Amena! Mitendelo ne ntumbo ne tunangu ne kufwija’ko ne bulēme ne bukomo ne buninge bipebwe Leza wetu nyeke ne nyekeke.+ Amena.”
13 Penepo umo mu bakulumpe watentulula kaunena’mba: “Le bano bavwele minkukumba itōka tō+ i bāni ne kobatamba kwine i kwepi le?”
14 Ponkapo namulondolola’mba: “A mfumwami, abe ye mwine uyukile.” Penepa waunena’mba: “Bano’ba i boba balupukile mu kyamalwa kikatampe,+ kadi i bakende minkukumba yabo ne kwiitōkeja mu mashi a Kana ka Mukōko.+
15 O mwanda bemene kumeso kwa lupona lwa Leza, kadi bamwingidilanga mingilo ikola dyuba ne bufuku mu tempelo yandi; ne kadi Yewa ushikete pa lupona+ ukebapūtanga pema wandi.+
16 Kebakevwanapo monka nzala nansha kyumwa kine, kadi dyuba nansha kyanga kikatampe kine kebikebasōkapo,+
17 mwanda Kana ka Mukōko,+ kene kadi mu bukata mwa* lupona, kakebakumba+ kadi kakebatwala ku masulo a mema a būmi.+ Leza nandi ukebapampula impolo mu meso abo.”+
