Mwendele Mako 1:1-45
-
Yoano Mubatyiji usapula (1-8)
-
Lubatyijo lwa Yesu (9-11)
-
Yesu watompibwa na Satana (12, 13)
-
Yesu washilula kusapula mu Ngadilea (14, 15)
-
Bana ba bwanga babajinji abaitwe (16-20)
-
Mushipiditu wa disubi ubapangwa (21-28)
-
Yesu wabelula bavule mu Kapanama (29-34)
-
Ulombela kufula kwa bunka (35-39)
-
Wa makopo wabelulwa (40-45)
1 Ngalwilo ya myanda miyampe ya Yesu Kidishitu, Mwanā Leza:
2 Monka mokilembelwe mu Isaya mupolofeto amba: “(Talai! Nsa kutuma mukendi wami kumeso kobe,* mwine ukakulongolwela dishinda.)+
3 Diwi dya muntu wela lubila mu ntanda mutuputupu amba: ‘Longololai dishinda dya Yehova!* Ololai bilayi byandi.’”+
4 Yoano Umbatyiji wadi mu ntanda mutuputupu, usapula lubatyijo bu kilomboji kya kwisāsa mwanda wa kulekelwa bubi.+
5 Kadi ntanda yonso ya Yudea ne bekadi bonso ba Yelusalema badi benda kwadi, nabo badi babatyijibwa* nandi mu Munonga wa Yodano, besapula bubi bwabo patōka.+
6 Ino, Yoano wadi uvwala bivwalwa bya myoya ya ngamedia ne mukaba wa kiseba mu kifuka kyandi,+ kadi wadi udya njie ne būki bwa mu ntanda.+
7 Kadi wadi usapula’mba: “Kupwa ami kwiyanga muntu mukomo kuntabuka, ami nkifwaninwepo nansha kubandama ne kukutulula nkamba ya bikwabilo byandi.+
8 Ami nemubatyija na mema, ino aye ukemubatyija na mushipiditu ujila.”+
9 Mu mene mafuku’a, Yesu watambile ku Nazala wa mu Ngadilea, wabatyijibwa na Yoano mu Yodano.+
10 Aye wabuka’tu mu mema, wamona madiulu ashituka kadi mushipiditu wamutūkila pamo bwa nkunda.+
11 Ne diwi dyatamba mūlu amba: “Abe wi wami Mwana, muswedibwe; nakuloelelwa.”+
12 Ponka na ponka mushipiditu wamutonwena kwenda mu ntanda mutuputupu.
13 Penepo waikala monka mu ntanda mutuputupu mafuku 40, utompibwa na Satana.+ Wadi wikele na banyema ba ntanda, ino bamwikeulu badi bamwingidila.+
14 Ino, Yoano pa kupwa kukutwa, Yesu waenda mu Ngadilea,+ usapula myanda miyampe ya Leza+
15 amba: “Kitatyi kitungwe kibafikidila, kadi Bulopwe bwa Leza bubafwena. Mwisāsei,+ kadi itabijai myanda miyampe.”
16 Paadi wenda ukunkuja Dijiba dya Ngadilea, wamona Shimona ne Andele+ mwanabo na Shimona, bata makonde abo mu dijiba,+ mwanda badi babiluwe ba lui.+
17 Penepo Yesu webanena’mba: “Iyai munonde, nkemwalamunanga kemudi babiluwe ba bantu.”+
18 Ponkapo bashiya makonde abo kebamulonda.+
19 Aye pa kwenda dya kumeso bityetye, wamona Yakoba mwanā Zebede ne mwanabo Yoano, pobadi mu bwato bwabo babanga makonde abo,+
20 ne kwija kwine mpika webeta. Nabo bashiya shabo Zebede mu bwato ne bantu ba kaji, ebiya kebamulonda.
21 Penepo baenda mu Kapanama.
Dya Sabato pa kufika, ponkapo watwela mu shinankonka kafundija.+
22 Penepo bantu baana mufundijijo wandi, mwanda wadi wibafundija pamo bwa muntu udi na lupusa, ke pamopo bwa basonekeji.+
23 Mu kine kitatyi’kya, mu shinankonka yabo mwadi muntu umo uludikwa na mushipiditu wa disubi, ebiya waela lubila’mba:
24 “Le tudi nobe mwanda’ka, abe Yesu mwine Nazala?+ Lelo ubaiya kwitonakanya? Nkuyukile’tu biyampe abewa, wi Mwine Ujila wa Leza!”+
25 Ino Yesu weufunina, amba: “Uba nyā, kadi mutambe’mo!”
26 Penepo mushipiditu wa disubi’wa wamufulubija ne kwela waela lwanji lukatampe ne pa mfulo, kupwa wamutamba’mo.
27 Byobiya bantu bonso batulumuka kebanena abo bene na bene amba: “Le i kika kino? I lufundijo lupya! Usoñanya na lupusa enka ne mishipiditu ya disubi, nayo imukōkela.”
28 Myanda yandi yasambakana bukidi bonka pi na pi ku mitamba yonso, mu ntanda yonso ya Ngadilea.
29 Ponkapo bataluka ku shinankonka baenda ku njibo ya ba Shimona ne Andele pamo na Yakoba ne Yoano.+
30 Penepo lolo muko+ wa Shimona wadi ulēle mukabwe ngitu na misongo, ponkapo balombola Yesu yandi myanda.
31 Waenda kwadi, wamukwata ku kuboko, wamulangula. Ngitu yadi mimukabe’ya yamutūka, nandi washilula kwibengidila.
32 Kyolwa pa kōloba, papo dyuba ke dipone, bantu bashilula kumuletela boba bonso badi babela ne boba badi bakwatwe na bandemona;+
33 penepo kibundi kyonso kituntulu kyaungwila’nka pa kibelo.
34 Byobiya wakomeja bavule badi babela misongo palapala,+ wapanga bandemona bavule, ino kadipo uleka bandemona besambe, mwanda badi bamuyukile amba i Kidishitu.*
35 Lubanga bwē mu meso mukifīta, walanguka watamba panja, waenda kufula kwa bunka bwandi, kwine’kwa washilula kulombela.+
36 Inoko, Shimona ne boba baadi nabo baanza kumukimbakimba
37 penepo bamutana kebamunena’mba: “Bantu bonso baba bakukimba.”
38 Ino aye webanena’mba: “Twendei ne kungi nako, mu bibundi bya kubwipi, amba nkasapule ne kwine’kwa, mwanda kino e kyonaidile.”+
39 Penepa waenda, kasapula mu mashinankonka abo mu Ngadilea monso ne kupanga bandemona.+
40 Kadi kwine’kwa muntu umo wa makopo waile kwadi, kamuzenze, wamufukamina’nka ne mu manwi, kamunena’mba: “Shi usakile, nankyo ntōkeje.”+
41 Ponkapo wamukwatyilwa lusa, waolola kuboko wamutenga, kamunena’mba: “Nsakile! Tōka tō.”+
42 Ponka na ponka makopo amupwa, ne kutōka watōka tō.
43 Penepo wamunena umukoma, ebiya ponkapo wamutalula ende,
44 kamunena’mba: “Tala, kokasapwila muntu kintu nansha kimo, ino enda, kelombole kudi kitobo, ne kulambula byānenene Mosesa+ pa mwanda wa kusubulwa kobe, mwanda wa bukamoni kobadi.”+
45 Ino pa kupwa kufunduka, muntu’wa waanza kusapwilasapwila’mo bantu ne kusambakanya mwanda konsokonso, byalengeja ne Yesu kakomenwa kutwela patōkelela mu kibundi, ino kashikete’nka panja mu byaba bya kufula. Inoko, bantu ba ku mitamba yonso badi bāya’nka kwiya kwadi.+
Kunshi kwa Dyani
^ Kishima pa kishima i, “ku meso a mpala yobe.”
^ Nansha’mba “batubikwa; batokenibwa.”
^ Bibwanika padi i, “badi bamuyukile.”
