Mwendele Mako 16:1-8
-
Yesu wasangulwa (1-8)
16 Penepo Sabato+ pa kupita, Madia mwine Makadala, Madia+ inandya Yakoba, ne Salome, bapotele binunka mwenye mwanda wa kwiya kushinga’byo pa umbidi wandi.+
2 Ebiya lubanga bwē, mu difuku dibajinji dya mu yenga, baile ku kibundu*+ papo dyuba ke dipwe kutamba.
3 Badi banena abo bene na bene amba: “Le i ani usa kuketukunkulumwina dibwe ku kibelo kya kibundu?”
4 Ino abo pa kutulula meso, bamona’mba dibwe’dya i dikunkulumunwe kala, nansha byodyadi dikatampe bininge.+
5 Abo pa kutwela mu kibundu, bamona nsongwalume umo ushikete ku lundyo, uvwele munkukumba utōka tō, penepo bakwatwa moyo.
6 Webanena’mba: “Kemwakikwatwai moyo.+ Mukimbanga Yesu mwine Nazala, waipailwe ku mutyi. I musanguke.+ Kadi’mopo. Talai pene pobadi bamulādikile.+
7 Ino endai, mukalombole bandi bana ba bwanga ne Petelo amba, ‘Wemubadikila mu Ngadilea.+ E momukamumona, enka mwaemulombwedile’mwa.’”+
8 Penepo pobatambile mu kibundu, banyema lubilo, papo bazakala ne mityima mibatumbuke bikatampe. Kadi kebalombwelepo muntu kintu nansha kimo, mwanda badi na moyo.*+
Kunshi kwa Dyani
^ Nansha’mba “kibundu kivulukwa.”
