Mwendele Mateo 1:1-25
1 Mukanda wa mānga ya būmi bwa* Yesu Kidishitu,* mwanā Davida,+ mwanā Abalahama:+
2 Abalahama wābutwile Izake;+Izake wābutula Yakoba;+Yakoba wābutula Yuda+ ne banababo;
3 Yuda wābutula Peleze ne Zela+ na Tamala;Peleze wābutula Hezelone;+Hezelone wābutula Lame;+
4 Lame wābutula Aminadaba;Aminadaba wābutula Nashona;+Nashona wābutula Salamona;
5 Salamona wābutula Boaza na Lehaba;+Boaza wābutula Obeda na Luta;+Obeda wābutula Yese;+
6 Yese nandi wābutula Davida+ mulopwe.
Davida wābutwile Solomone+ na mukaja Udiya;
7 Solomone wābutula Lehaboma;+Lehaboma wābutula Abidya;Abidya wābutula Asa;+
8 Asa wābutula Yehoshafata;+Yehoshafata wābutula Yeholama;+Yeholama wābutula Uzia;
9 Uzia wābutula Yotama;+Yotama wābutula Ahaza;+Ahaza wābutula Hezekia;+
10 Hezekia wābutula Manase;+Manase wābutula Amona;+Amona wābutula Yoshia;+
11 Yoshia+ nandi wābutula Yekonia+ ne banababo mu kitatyi kya kuselelwa ku Babiloni bu misungi.+
12 Pa kupwa kuselelwa ku Babiloni bu misungi, Yekonia wābutwile Shityile;Shityile wābutula Zelububele;+
13 Zelububele wābutula Abeuda;Abeuda wābutula Ediakimi;Ediakimi wābutula Azole;
14 Azole wābutula Zadoki;Zadoki wābutula Akime;Akime wābutula Eluda;
15 Eluda wābutula Eleaza;Eleaza wābutula Matana;Matana wābutula Yakoba;
16 Yakoba nandi wābutula Yosefa, mulumya Madia inandya Yesu,+ witwa bu Kidishitu.+
17 Penepo, nkongo yonso tamba pa Abalahama kutūla ne kudi Davida yādi nkongo 14; tamba pa Davida kutūla ne ku kuselelwa ku Babiloni bu misungi, nkongo 14; tamba pa kuselelwa ku Babiloni bu misungi kutūla kudi Kidishitu napo nkongo 14.
18 Ino kubutulwa kwa Yesu Kidishitu kwadi namino. Inandi Madia paadi mukwatyilwe na Yosefa, waimite dīmi ku bukomo bwa mushipiditu ujila*+ kumeso kwa abo kwifīkija.
19 Inoko, Yosefa mulumyandi, byaadi moloke ne byakadipo usaka kumufwija bumvu pa kitango kya bantu, wasakile kumulubwila kufula.+
20 Ino aye pa kupwa kulangulukila’po, ponkapo mwikeulu wa Yehova* wamumwekela mu kilotwa, kamunena’mba: “A Yosefa, mwanā Davida, kokakwatwa moyo wa kuselela obe mukaji Madia kobe, mwanda kyokya kyaimite* i kya ku bukomo bwa mushipiditu ujila.+
21 Usa kubutula mwana mwana-mulume, abe ufwaninwe kumwinika bu Yesu,*+ mwanda aye ukapandija bantu bandi ku bubi bwabo.”+
22 Bino byonso na bubine byalongekele mwanda wa kufikidija byobya byānenene Yehova* kupityila kudi mupolofeto wandi amba:
23 “Tala! Mujike* ukemita dīmi ne kubutula mwana mwana-mulume, bakamwinika bu Emanyuele,”+ kushintulula ko kunena’mba, “Leza Udi Netu.”+
24 Penepo Yosefa walanguka mu tulo, walonga monka mwamulombwedile mwikeulu wa Yehova,* ne kusela waselela mukajandi kwandi.
25 Ino kasambakenepo nandi pamo enka ne byawabutwile mwana mwana-mulume,+ wamwinika bu Yesu.+
Kunshi kwa Dyani
^ Nansha’mba “musuku wa.”
^ Nansha’mba “Meshiasa; Mushingwe Māni.”
^ Nansha’mba “bukomo bwingila.”
^ Uno ye musunsa mubajinji mu misunsa 237 itelelwe dijina dya Leza, Yehova, mu Bisonekwa bya Kingidiki bya Bwine Kidishitu mu bilembwa bya buno bwalamuni. Tala Mbwejo A5.
^ Nansha’mba “kyabutulwa mwadi.”
^ Diifwene na dijina dya Kihebelu Yeshua, nansha Yoshua dishintulula’mba “Yehova I Lupandilo.”
^ Uno i mwana-mukaji kalēle na mwana-mulume.
