Mika 2:1-13
2 “Malwa abo boba bakuta nkuku mibi,Balanga bibi pa matanda abo!
Mwinya wa lubanga pa kwiya bafikidija’byo,Mwanda bidi mu bukomo bwa kuboko kwabo.+
2 Babilanga madimi ne kwiakwata;+Ne mobo, kadi beayata;Banyoñomona muntu njibo yandi,+Ne muntu bupyani bwandi.
3 O mwanda Yehova wanena namino amba:
‘Nañanga kuletela kino kisaka kyamalwa+ kyokemukapande’kopo.*+
Kemukanangepo monka na kwizunzula,+ mwanda i kitatyi kya kyamalwa.+
4 Mu dyodya difuku bantu bakemupitulukila lukindi,Kadi bakemudila bibibibi.+
Bakanena’mba: “Tubasalwa bya mwiko!+
Kipindi kya bantu bami wape’kyo bakwabo—bine wantalula’kyo!+
Wape yewa wa kubulwa kikōkeji madimi etu.”
5 Penepo kukekalapo na muntu nansha umo wa kutamuna monji wa kupima nao,Mwanda wa kwabanya ntanda mu kipwilo kya Yehova.
6 “Lekai kusapula!” abo basapula,“Kebafwaninwepo kusapula bino bintu;Bumvu kebuketupetapo!”
7 A njibo ya Yakoba, le banenanga’mba,“Mushipiditu wa Yehova ubabulwe kitūkijetyima?
Le bino’bi ye bilongwa byandi?”
Le binenwa byami kebiletangapo biyampe ku boba banangila mu boloke?
8 Ino panopano ponka bantu bami baimene pamo bwa walwana.
Muvūlanga patōkelela kya kwidyangula nakyo kya katūtu ne* kivwalwaKu boba bapita na kikulupiji, pamo’nka bwa boba bajoka ku divita.
9 Mupañanga bana-bakaji ba bantu bami mu mobo abo asangaja;Musonsolola lonso buya bwami bwa dyangi kudi babo bana.
10 Imanai mwende, mwanda kino ke kifukopo kya kukōkolokwa.
Pa mwanda wa disubi,+ kudi bonakani, bonakani busansa mutyima.+
11 Shi muntu ulonda luvula ne bongojani, kabepa buno bubela’mba:
“Nsa kwimusapwila myanda ya vinyu ne bitomibwa bikolwañana,”Aye ukekala’tu musapudi wa bano bantu!+
12 A Yakoba, bine nkemubunga banwe bonso;Bine, nkakongakanya pamo bashele’ko ba Isalela.+
Nkebatūla mu bumo pamo bwa mikōko mu kipombo,Pamo bwa luombe mu madyo alo;+Mukekala lunwa lwa bantu.’+
13 Yewa ulala ukenda ku meso abo;Bakalala kadi bakapityila pa kibelo ne kutambila’po.+
Mulopwe wabo ukapityila’po ku meso abo,Yehova wibatangidile.”+
Kunshi kwa Dyani
^ Kishima pa kishima i, “kyokemukatalula’mopo mashingo enu.”
^ Bibwanika padi i, “ku.”
