Mika 4:1-13
4 Ku mfulo ya mafuku,*Lūlu lwa njibo ya Yehova+Lukakomejibwa pototo peulu pa nsongo ya ngulu,Lukazunzulwa peulu pa mikuna,Kadi bantu bakatūtyikila’ko.+
2 Kadi mizo mivule ikenda keinena’mba:
“lyai, tukande ku lūlu lwa YehovaNe ku njibo ya Leza wa Yakoba.+
Aye uketufundija mashinda andi,Netu tukenda mu tushinda twandi.”
Mwanda kijila* kikatamba ku Ziona,Kinenwa kya Yehova nakyo ku Yelusalema.
3 Ukatyiba mambo mu bukata mwa bantu bavule+Ne kusendulula myanda* ya mizo mikomo ya kulampe.
Bakafula bipete byabo ke nkasuNe mikobe yabo ke bipete bya kukukula nabyo.+
Muzo keukatululapo kipete pa muzo mukwabo,Kadi kebakefundepo monka divita.+
4 Bakashikata,* muntu ne muntu munshi mwa muñanza+ wandi ne munshi mwa kikuyu kyandi,+I kutupu muntu nansha umo ukebakwatyija moyo,Mwanda kyakanwa kya Yehova wa bibumbo kibesambe’kyo.
5 Mwanda bantu bonso bakananga, ense mu dijina dya leza wandi,Ino batwe tukananga mu dijina dya Yehova Leza wetu+ nyeke ne nyekeke.
6 “Mu dyodya difuku,” i Yehova unena,“Nkakongakanya yewa wadi usunkuta,Ne kubungila pamo yewa mupalakanibwe,+Pamo ne boba bonamwesheshe malwa.
7 Yewa wadi usunkuta nkamwalamuna ke ushele’ko,+Yewa mupangilwe kulampe nandi ke muzo mukomo;+Kadi Yehova ukabikala bu mulopwe pobadi mu Lūlu lwa Ziona,Tamba pano ne nyeke.
8 Ino abe, kiteba kya luombe,Mulwi wa biloba wa mwanā Ziona+ mwana-mukaji,Bulopwe bubajinji* bukāya, bine, bukāya kodi,+Bulopwe bwa mwanā Yelusalema mwana-mukaji.+
9 Penepo i kika kyoelela lwanji?
Le kudipo na mulopwe’ni,Nansha i mudingidi obe wafwa,Amba misanshi ikukwate pamo bwa mwana-mukaji ubutula?+
10 A mwanā Ziona mwana-mukaji, tontoka na bisanso ne kubinza,Pamo bwa mwana-mukaji ubutula,Mwanda pano usa kutamba mu kibundi ukashikate mu budimi.
Ukenda kufika ne ku Babiloni,+Kadi ukakūlwa kwine’kwa;+Yehova ukakunyongolola’ko ku kuboko kwa balwana nobe.+
11 Ino pano mizo mivule ikakwibungila;Bakanena’mba, ‘Asubijibwe,Meso etu amone kino’ki, pokifikila Ziona.’
12 Ino kebayukilepo milangwe ya Yehova,Kebevwanijepo mpango yandi;*Mwanda ukebakongakanya pamo bwa mulongo wa miseke ikiketwaketwa pa kipūdilo.
13 A mwanā Ziona+ mwana-mukaji imana upūle;Mwanda nkalamuna masengo obe ke kyuma,Kadi nkalamuna mikono yobe ke mukuba,Ukavingakanya bantu bavule.+
Ukapāna kamweno kabo ka budimbidimbi kudi Yehova,Bupeta bwabo nabo kudi Mfumu wa bine wa ntanda yonso.”+
Kunshi kwa Dyani
^ Nansha’mba “Mu mafuku a mfulo.”
^ Nansha’mba “bulombodi.”
^ Nansha’mba “kōlola myanda.”
^ Nansha’mba “Bakekala.”
^ Nansha’mba “bwa kala.”
^ Nansha’mba “madingi andi.”
