Nahumi 2:1-13
2 Yewa upalakanya wakwiila.*+
Lamai mansakwa.
Lamai dishinda.
Mwilongololei* ne kwikomeja.
2 Mwanda Yehova ukajokeja mitatulo ya Yakoba,Pamo ne mitatulo ya Isalela,Mwanda boba basalañana abebasala;+Kadi abaonakanya mitombo yabo.
3 Mangabo a bantu bandi bakomokomo i matubikwe mu mwīno utyila,Ba bulwi bandi bavwele bityididila pyū.
Bya kuneñenya bya kyuma bya makalo andi a divita bidyemukanga pamo bwa mudiloMu difuku dyateakanya bulwi,Kadi mikobe ya mutyi wa jenevidiye ibapanzwe.
4 Makalo a divita endanga lubilo bya bulubi mu bipito.
Anyema koku ne koku mu bīkwe.
Akelemanga pamo bwa bimuni bitēma ne kupena pamo bwa mapeni.
5 Aye uketa bengidi bandi.
Bakakukala pobenda kumeso.
Bendanga lubilo ku lubumbu lwandi;Batūla kijika.
6 Bibelo bya minonga bikashitulwa,Kadi njibo mikatakata ikasunguluka.*
7 I kwelwe lubila:* Aye wavūlwa,Waselwa, kadi bapika bandi bana-bakaji babinzanga;Badila pamo bwa bankunda pobekupila pa byadi.*
8 Mu mafuku andi onso, Nineva+ wadi pamo bwa kijiba kya mema,Ino pano abanyema.
“Imanai! Imanai!”
Ino i kutupu nansha umo utala kunyuma.+
9 Tūtai ndalama, tūtai olo!*
Byabulēme kebidipo na mfulo.
I bibīkwe na bintu bya bulēme bya miswelo yonso.
10 Kibundi kidi bitupu, i kisalakane, i kisalwe!+
Mityima yabo isunguluka moyo, manwi abo afukama, bifuka byabo bizakala;Mapala abo onso abajingakana.
11 Le mutá wa bantambo+ udi kwepi, mwine mudyanga bantambo bana,*Mutambanga ntambo kaenda na kandi kana,Kwampikwa muntu nansha umo wa kwibakwatyija moyo?
12 Ntambo wasasamwinine twandi twana kikwatwa kibwanine seneneNe kwipaya pa mwanda wa bandi bantambo bakaji.
Wayujije bikwatwa mu mikembo yandi,Ne banyema basasamunwe mu mitá yandi.
13 “Tala! Nsa kulwa nobe,” i Yehova wa bibumbo+ unena,“Nsa kusōka makalo andi a divita mu mwishi,+Kadi kipete kikasasamuna bobe bantambo bana.*
Nkatyiba’ko kikwatwa kyobe pa ntanda,Kadi diwi dya mikendi yobe kedikevwanwapo monka.”+
Kunshi kwa Dyani
^ Ko kunena’mba, Nineva.
^ Kishima pa kishima i, “Komejai bifuka.”
^ Nansha’mba “ikapona.”
^ Nansha’mba “kitungwe.”
^ Kishima pa kishima i, “mityima.”
^ Nansha’mba “nsahabu!”
^ Nansha’mba “bantambo bana ba manyenze.”
^ Nansha’mba “bantambo bana ba manyenze.”
